పచ్చదనం - పరిశుభ్రత ఎంతో అవసరం
Andhra Pradesh Telugu | Suryaa Desk | Published : Thu, Jan 05, 2023, 06:58 PM
ఆహ్లాదకరమైన వాతావరణం కోసం పచ్చదనం-పరిశుభ్రత ఎంతో అవసరమని ప్రభుత్వ డిగ్రీ కళాశాల ప్రిన్సిపాల్ డాక్టర్ సి. యోగాంజనేయులు పేర్కొన్నారు. గురువారం మండలంలోని పాములూరు గ్రామంలో జిల్లా పరిషత్ ఉన్నత పాఠశాల ఆవరణలో ఎన్ఎస్ఎస్ ప్రోగ్రాం అధికారి డాక్టర్ ఓబుల్ రెడ్డి ఆధ్వర్యంలో శుభ్రత పాటించి, మొక్కలు నాటారు. ఈ సందర్భంగా పాఠశాల హెచ్ఎం శివరామ్ మాట్లాడుతూ పాఠశాల ఆవరణంలో పరిశుభ్రం చేసి మొక్కులు నాటిన వేంపల్లె ప్రభుత్వ డిగ్రీ కళాశాల విద్యార్థులను ఆయన అభినందించారు. అలాగే తమ పాఠశాలకు రావడం పట్ల ఆనందం వ్యక్తం చేశారు. గ్రామీణ విద్యార్థులకు ఇది స్పూర్తి దాయకం అని చెప్పారు. అనంతరం ఎన్ఎస్ఎస్ కోఆర్డినేటర్ డాక్టర్ ఓబుల్ రెడ్డి పచ్చదనం వల్ల ఆరోగ్యానికి ఎంతో మేలు జరుగుతుందని, చెట్లను పెంచడం ద్వారా భావితరాల ప్రజలకు, వాతావరణానికి మేలు చేసిన వారమవుతామన్నారు. ఈ కార్యక్రమంలో అధ్యాపకులు, ఉపాధ్యాయులు, విద్యార్థులు తదితరులు పాల్గొన్నారు.
|
|