జగన్ అక్రమాలను, అరాచక పాలనను జనసేన ప్రశ్నిస్తుంది
Andhra Pradesh Telugu | Suryaa Desk | Published : Fri, Jan 06, 2023, 05:42 PM
బ్రిటిష్ పాలకుల కంటే జగన్ పాలన దారుణంగా సాగుతుందని భీమవరం జనసేన పార్టీ అధ్యక్షుడు కొటికలపూడి గోవిందరావు (చినబాబు) విమర్శించారు. ఆయన విలేకరుల సమావేశంలో మాట్లాడుతూ..... చీకటి జీవోల ద్వారా భావ ప్రకటన స్వేచ్ఛకు ఆటంకం కలిగించినట్లే అన్నారు. కొత్తగా ఇచ్చిన పెన్షన్లు ప్రజలు ఎన్నుకున్న గ్రామ సర్పంచ్లను కాదని వైసీపీ నాయకులు లబ్ధిదారులకు అందజేయడం ఎంతవరకు సమంజసమని ప్రశ్నించారు..? జగన్ అక్రమాలను, అరాచక పాలనను జనసేన ప్రశ్నిస్తూ ప్రజల వద్దకు తీసుకువెళుతుందన్నారు. జనసేన అధినేత పవన్కల్యాణ్ ఈనెల 12న శ్రీకాకుళం జిల్లాలో తలపెట్టిన యువశక్తి కార్యక్రమాన్ని జయప్రదం చేయాలని చినబాబు కోరారు. యువత ఆలోచనలను ఈనెల 5 నుంచి 8 వరకు 8069932222కు తెలియజేయవచ్చన్నారు. పట్టణ అధ్యక్షుడు చెనమల్ల చంద్రశేఖర్, మల్లినీడి తిరుమలరావు, పుప్పాల సుబ్బారావు, బండి రమేష్కుమార్, మోకా శ్రీనివాస్, గుండుపల్లి విజయలక్ష్మీ, కందుకూరి వెంకటలక్ష్మి, తదితరులు పాల్గొన్నారు.
|
|