ట్రెండింగ్
గ్రామపంచాయతీలలో లక్ష్యాలను అధిగమించాలి
Andhra Pradesh Telugu | Suryaa Desk | Published : Sun, Jan 08, 2023, 10:25 AM
గ్రామపంచాయతీలో కార్యదర్శులు డిజిటల్ ఆపరేటర్లు కంప్యూటర్ ఆపరేటర్లు సక్రమంగా విధులకు హాజరవుతూ లక్ష్యాలను అధిగమించేందుకు తన వంతు కృషి చేయాలని లేకుంటే కఠిన చర్యలు తప్పవని జిల్లా పంచాయతీ అధికారి ధనలక్ష్మి అన్నారు. శనివారం రాజంపేట పట్టణంలోని న్యూ ఆంధ్ర కల్యాణ మండపంలో డివిజన్ స్థాయి సమీక్ష సమావేశం నిర్వహించి వివిధ రకాల అంశాలపై సమీక్షించారు. మండలాల వారిగా పంచాయతీ కార్యదర్శులను డిజిటల్ , కంప్యూటర్ ఆపరేటర్ల తో పంచాయతీలో చేపట్టవలసిన అభివృద్ధి కార్యక్రమాలపై సమీక్షించారు.
కొన్ని మండలాల్లో లక్ష్యాన్ని చేరుకోకపోవడంతో వారికి పద్ధతి మార్చుకోవాలని సూచించారు లేకుంటే చర్యలు తప్పవని హెచ్చరించారు. ఈ సందర్భంగా డిపిఓ ధనలక్ష్మి మాట్లాడుతూ ప్రతి పంచాయతీలో కుక్కలు, కోతులు లేకుండా చూడాలని తెలిపారు.
|
|