ఐదేళ్ల చిన్నారికి కానిస్టేబుల్ పోస్ట్... చతిస్గడ్ పోలీస్ శాఖ ఉత్తర్వులు
national | Suryaa Desk | Published : Sun, Jan 08, 2023, 10:38 PM
ఐదేళ్ల చిన్నారి పోలీస్ కానిస్టేబుల్ గా నియమింపబడింది. అవును మీరు వింటున్నది నిజమే. ఛత్తీస్గఢ్ ప్రభుత్వం ఐదేళ్ల చిన్నారిని కానిస్టేబుల్గా నియమించింది. స్పెషల్ రిక్రూట్మెంట్ కింద చిన్నారిని చైల్డ్ కానిస్టేబుల్గా నియమించింది. బాలుడి తండ్రి అకాలమరణం చెందటంతో కారుణ్య నియామకం కింద బాలుడికి ఉద్యోగం ఇచ్చినట్లు పోలీసు శాఖ తెలిపింది. చిన్నారికి 18 సంవత్సరాలు నిండిన తర్వాత పూర్తిస్థాయి కానిస్టేబుల్గా నియమితులవుతారని పోలీసు ఉన్నతాధికారులు తెలిపారు.
వివరాల్లోకి వెళితే... సూరజ్పుర్ జిల్లాకి చెందిన హరి ప్రసాద్ కొరియా జిల్లాలోని ఓ పోలీసు స్టేషన్లో సబ్ ఇన్స్పెక్టర్గా విధులు నిర్వహించే వాడు. ఈ క్రమంలో కొన్ని రోజుల క్రితం డ్యూటీలో ఉండగానే ఆయన మరణించాడు. వెంటనే కారుణ్య నియామకం కింద వారి కుటుంబంలో ఒకరికి పోలీసు శాఖలో పోస్టింగ్ ఇవ్వాలని సుర్గుజా రేంజ్ ఐజీ రామ్గోపాల్ గార్గ్ కింది స్థాయి సిబ్బందికి ఆదేశాలు జారీ చేశారు.
|
|