ఇర్ఫాన్ ఖాన్ సూక్తిని ఇన్స్టాలో పోస్ట్ చేసిన విరాట్
national | Suryaa Desk | Published : Sun, Jan 08, 2023, 10:39 PM
తాజాగా విరాట్ కోహ్లీ చేసిన పోస్ట్ సోషల్ మీడియాలో ఆసక్తికరంగా మారింది. శ్రీలంకతో వన్డే సిరీస్ ప్రారంభానికి ముందు టీమిండియా స్టార్ క్రికెటర్ విరాట్ కోహ్లి అభిమానులను సందిగ్ధానికి గురి చేసేలా ఇన్స్టాగ్రామ్ స్టోరీని పోస్టు చేశాడు. దివంగత బాలీవుడ్ నటుడు ఇర్ఫాన్ ఖాన్ సూక్తిని విరాట్ ఇన్స్టాలో పోస్టు చేశాడు. ‘‘పేరు ప్రఖ్యాతులు (కీర్తి ప్రతిష్టలు) కావాలనుకోవడం ఓ జబ్బు. ఏదో ఒకరోజు ఈ జబ్బు నుంచి, ఈ కోరిక నుంచి బయటపడాలని నేను కోరుకుంటాను. పేరు ప్రఖ్యాతులు పెద్ద విషయం కాదు.. జీవితాన్ని అనుభవించడం.. సాధారణంగా గడపటం సరిపోతుంది’’ అని గతంలో ఇర్ఫాన్ ఖాన్ పేర్కొన్న సూక్తిని కోహ్లి ఇన్స్టా స్టోరీగా పోస్టు చేశాడు.
ఇంతకు విషయం ఏంటంటే.. జనవరి 7 ఇర్ఫాన్ జయంతి. దేశంలోని ప్రతిభావంతులైన నటుల్లో ఒకడిగా గుర్తింపు పొందిన ఇర్ఫాన్.. 2020 ఏప్రిల్లో కన్నుమూశారు. దీర్ఘకాలంపాటు క్యాన్సర్తో పోరాటంలో ఆయన చివరకు ఓడిపోయారు.విరాట్ కోహ్లి సతీమణి అనుష్క శర్మ సైతం తన ఇన్స్టా ఖాతాలో గత రాత్రి అదే కొటేషన్ను షేర్ చేసింది. కొన్నేళ్ల క్రితం రౌండ్ టేబుల్ చర్చల్లో ఇర్ఫాన్ మాట్లాడిన ఫేమస్ క్లిప్ను సైతం ఆమె షేర్ చేసింది.
|
|