భారత్ లో యాపిల్ సంస్థ రిటైల్ స్టోర్స్
national | Suryaa Desk | Published : Sun, Jan 15, 2023, 08:43 PM
ప్రముఖ టెక్ దిగ్గజం యాపిల్ భారత్లో త్వరలోనే తన రిటైల్ స్టోర్లను తెరవబోతోంది. దేశ రాజధాని ఢిల్లీ, ఆర్థిక రాజధాని ముంబయిలో తొలి దశలో 12 స్టోర్లను ఏర్పాటు చేసేందుకు సన్నాహాలు చేస్తోంది. ఇందుకోసం ఉద్యోగార్థుల నుంచి దరఖాస్తులను సైతం ఆహ్వానిస్తోంది. జనవరి 2021లో సంస్థ సీఈవో టిమ్ కుక్ మాట్లాడుతూ.. ఆన్లైన్ స్టోర్కు దేశంలో అద్భుతమైన స్పందన లభించిందని, కంపెనీ భవిష్యత్తులో దేశంలో రిటైల్ స్టోర్లను ప్రారంభించేందుకు సిద్ధంగా ఉందని కుక్ ప్రకటించిన సంగతి తెలిసిందే. ఇందులో భాగంగానే భారత్లో రిటైల్ స్టోర్లకు రూపకల్పన చేసింది.
యాపిల్ ఎప్పటి నుంచో భారత్లో తన ఉత్పత్తులను విక్రయిస్తోంది. కొన్నాళ్లుగా ఆన్లైన్లో నేరుగా ఉత్పత్తులను విక్రయిస్తున్నప్పటికీ.. ఆఫ్లైన్లో మాత్రం థర్డ్ పార్టీల స్టోర్ల ద్వారానే ఈ విక్రయాలు సాగుతున్నాయి. ఈ క్రమంలోనే రిటైల్ స్టోర్లు తెరవాలని యాపిల్కు ఎప్పటి నుంచో ప్రణాళికలు ఉన్నప్పటికీ కొవిడ్ కారణంగా ఆలస్యం అయ్యింది. అమెరికా, చైనాలో ఈ తరహా స్టోర్లు ఉన్నాయి.
వివిధ హోదాలకు సంబంధించి ఉద్యోగులను యాపిల్ను నియమించుకునేందుకు యాపిల్ కెరీర్స్ పేజీలో ప్రకటన వెలువరించింది. తొలుత ఢిల్లీ, ముంబయిలో ఈ స్టోర్లను ప్రారంభించి తర్వాత పుణె, బెంగళూరు వంటి ఇతర నగరాల్లోనూ ప్రారంభించేందుకు సన్నాహాలు చేస్తోంది. మరోవైపు యాపిల్ తన ఐఫోన్ల తయారీని సైతం చైనా నుంచి ఇండియాకు తరలించేందుకు ఏర్పాట్లు చేస్తోంది.
|
|