ట్రెండింగ్
రోడ్డు ప్రమాదంలో మహిళ మృతి
Andhra Pradesh Telugu | Suryaa Desk | Published : Wed, Jan 18, 2023, 03:09 PM
జాతీయ రహదారిని ఆనుకుని వున్న అగనంపూడి సాయిబాబా ఆలయం వద్ద మంగళవారం జరిగిన రోడ్డు ప్రమాదంలో ఓ మహిళ మృతి చెందింది. పోలీసులు తెలిపిన వివరాలిలా ఉన్నాయి. చట్టివానిపాలెం నిర్వాసిత కాలనీకి చెందిన పంచదార్ల వరలక్ష్మి (58) అనే మహిళ సాయిబాబా గుడి వద్ద మంగళవారం మధ్యాహ్నం రోడ్డు దాటుతుండగా అనకాపల్లి నుంచి కూర్మన్నపాలేనికి ద్విచక్ర వాహనంపై వస్తున్న ఓ వ్యక్తి బలంగా ఢీకొన్నాడు. ఈ ప్రమాదంలో తీవ్రంగా గాయపడిన వరలక్ష్మిని హుటాహుటిన అగనంపూడి ఆస్పత్రికి తరలించగా, అక్కడ చికిత్స పొందుతూ మృతి చెందింది. కాగా ఈ ప్రమాదంలో ద్విచక్ర వాహనదారుడికి కూడా గాయలవ్వడంతో గాజువాకలోని ఓ ప్రైవేటు ఆస్పత్రిలో చికిత్స పొందుతున్నాడు. దువ్వాడ పోలీసులు కేసు నమోదు చేసి దర్యాప్తు చేస్తున్నారు.
|
|