ట్రెండింగ్
నటి అపర్ణ చేయి పట్టి...భుజంపై చెయ్యి వేసిన యువకుడు
national | Suryaa Desk | Published : Thu, Jan 19, 2023, 08:59 PM
కొందరి ప్రవర్తన వల్ల అపుడపుడు సినీ హీరోయిన్లు ఇబ్బందులకు గురవుతుంటారు. ఇదిలావుంటే సూర్య హీరోగా వచ్చిన సూరారై పొట్రు చిత్రంలో హీరోయిన్ గా నటించిన అపర్ణ బాలమురళి తాజాగా తంకమ్ చిత్రంలో నటించింది. ఈ సినిమా ప్రచారంలో భాగంగా కేరళలోని ఓ లా కాలేజిలో ఈవెంట్ ఏర్పాటు చేయగా, అపర్ణ బాలమురళి హాజరైంది. చిత్రబృందంతో కలిసి అపర్ణ వేదికపై కూర్చుని ఉండగా, ఓ విద్యార్థి అనుచితంగా ప్రవర్తించడం కలకలం రేపింది.
నేరుగా వేదికపైకి వచ్చిన ఆ కుర్రాడు అపర్ణ చేయి పట్టుకుని పైకి లేపి, ఆమె భుజం చుట్టూ చేయి వేసి ఫొటో దిగేందుకు ప్రయత్నించాడు. అయితే అపర్ణ సున్నితంగా అతడి చేయిని విడిపించుకుని తన సీట్లో కూర్చుంది. ఇతర యూనిట్ సభ్యులు చూస్తూ ఉండిపోయారు. ఇంతలో ఆ యువకుడు వేదిక దిగి వెళ్లిపోయాడు. దీనికి సంబంధించిన వీడియో సామాజిక మాధ్యమాల్లో సందడి చేస్తోంది.
|
|