ట్రెండింగ్
రోడ్డు ప్రమాదానికి గురి అయిన వ్యక్తి మృతి
Andhra Pradesh Telugu | Suryaa Desk | Published : Fri, Jan 20, 2023, 10:12 AM
రామాపురం మండలంలోని కర్నూలు - చిత్తూరు జాతీయ రహదారి సమీపంలోని గువ్వలచెరువు పంచాయతీ దాబా వద్ద లగేజీ ఆటో ఢీకొని తీవ్రంగా గాయపడిన రమణ (49) అనే వ్యక్తి చికిత్స పొందుతూ మృతి చెందినట్లు పోలీసులు తెలిపారు. వారి వివరాల ప్రకారం. కసి రెడ్డిగారి పల్లె పంచాయతీ కొత్తరోడ్డు నారాయణపురానికి చెందిన రమణ బుధవారం రోడ్డు దాటుతుండగా కడప నుంచి రాయచోటి వైపునకు వెళుతున్న సరకు రవాణా ఆటో ఢీకొనడంతో తీవ్రంగా గాయపడ్డారు. పోలీసులు అతడిని కడప రిమ్స్కు తరలించారు. చికిత్స పొందుతూ గురువారం మృతి చెందినట్లు ఎస్సై కొండారెడ్డి పేర్కొ న్నారు. కేసు నమోదు చేసి దర్యాప్తు చేస్తునట్లు ఆయన తెలిపారు.
|
|