ట్రెండింగ్
రోడ్డు ప్రమాదంలో ఓ వ్యక్తి మృతి
Andhra Pradesh Telugu | Suryaa Desk | Published : Sun, Jan 22, 2023, 12:18 PM
రోడ్డు ప్రమాదంలో ఓ వ్యక్తి అక్కడికక్కడే మృతి చెందిన సంఘటన శృంగవరపుకోట పట్టణ కేంద్రంలో చోటు చేసుకుంది. ఈ సంఘటనకు సంబంధించి ఎస్. కోట సబ్ ఇన్స్పెక్టర్ తారకేశ్వరరావు శనివారం అందించిన వివరాలు ఇలా ఉన్నాయి. శృంగవరపుకోట మండల కేంద్రం స్థానిక ఆకుల డిపో వద్ద శుక్రవారం రాత్రి సాలూరు నియోజకవర్గం మెంటాడ మండలం పిట్టాడ గ్రామానికి చెందిన గొర్లె మోషి అనే వ్యక్తిని ఐసర్ వ్యాన్ బలంగా ఢీ కొట్టింది. ఈ ప్రమాదంలో ఆ వ్యక్తి తీవ్ర గాయాలు పాలై, అక్కడికక్కడే మృతి చెందాడు. ఎస్. కోట పోలీసులు సంఘటన స్థలానికి చేరుకుని పరిస్థితిని పరిశీలించి, మృతదేహాన్ని పోస్టుమార్టం నిమిత్తం ఎస్ కోట ప్రభుత్వ ఆసుపత్రికి తరలించినట్లు తెలిపారు. మృత్యుడి భార్య నాగేశ్వరి ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై తారకేశ్వరరావు తెలిపారు.
|
|