మంగళగిరిలో ఫ్లెక్సీ వివాదం
Andhra Pradesh Telugu | Suryaa Desk | Published : Mon, Jan 23, 2023, 02:40 PM
గుంటూరు జిల్లా మంగళగిరి లో మళ్లీ ఫ్లెక్సీ వివాదం నెలకొంది. టీడీపీ జాతీయ ప్రధాన కార్యదర్శి నారా లోకేష్ జన్మదినం సందర్భంగా పార్టీ శ్రేణులు పట్టణంలో ఫ్లెక్సీలు ఏర్పాటు చేశారు. ఈ నేపథ్యంలో మున్సిపల్ కాంట్రాక్టు ఉద్యోగులు ఆ ఫ్లెక్సీలను తొలగిస్తున్నారు. దీంతో విసుగెత్తిపోతున్నామని టీడీపీ నాయకులు ఆందోళన చెందుతున్నారు. కాగా నారా లోకేష్ పుట్టినరోజు సందర్భంగా ట్విటర్‌లో దేశ వ్యాప్తంగా #HBDYoungLeaderLokesh హ్యష్ టాగ్ ట్రెండ్ అవుతోంది. టీడీపీ కార్యకర్తలు, నేతలు పెద్ద ఎత్తున నారా లోకేష్‌కు సోషల్ మీడియా వేదికగా సందేశాలు పెడుతుండటంతో హ్యాష్ ట్యాగ్ ట్రెండింగ్‌లోకి వచ్చింది. మంత్రిగా ఉన్నప్పుడు గ్రామాల అభివృద్ధికి చేసిన కృషిని గుర్తు చేస్తూ అభిమానులు ట్వీట్ చేస్తున్నారు. ఐటీ అండ్ ఎలక్ట్రానిక్స్ శాఖ మంత్రిగా తీసుకొచ్చిన కంపెనీలు, ఉద్యోగాల కల్పనను గుర్తు చేస్తూ లోకేష్‌కు యువత అభినందనలు తెలియజేస్తోంది. దీంతో దేశ వ్యాప్తంగా నాలుగో స్థానంలో హ్యాష్ ట్యాగ్ ట్రెండ్ అవుతోంది.
|
|