తిరుమల ఘాట్‌ లో ఘోర రోడ్డు ప్రమాదం.... ఒకరి పరిస్థితి విషమం
Andhra Pradesh Telugu | Suryaa Desk | Published : Mon, Jan 23, 2023, 11:13 PM
తిరుమలలో ఓ మినీ ట్రక్కు బోల్తా పడింది. తిరుమల మొదటి ఘాట్‌ రోడ్డులో ఈ ప్రమాదం చోటుచేసుకుంది. కనుమ దారిలోని 9వ మలుపు వద్ద కొబ్బరి చిప్పలు తీసుకువస్తున్న ఓ మినీ ట్రక్కు బోల్తా పడింది. ఈ ప్రమాదంలో ఇద్దరు వ్యక్తులు తీవ్రంగా గాయపడగా.. ఇందులో ఒకరి పరిస్థితి విషమంగా ఉన్నట్లు తెలుస్తోంది.
ఘాట్‌ రోడ్డు భద్రతా సిబ్బంది తెలిపిన వివరాల మేరకు.. తిరుమల నుంచి సరకు రవాణా వ్యాన్‌లో డ్రైవర్‌ యువరాజు, మరో వ్యక్తి చంద్రతో కలిసి తిరుపతికి బయల్దేరారు. మొదటి ఘాట్‌ రోడ్డు 9వ మలుపు వద్దకు రాగానే వ్యాన్‌ వేగంగా రక్షణ గోడను ఢీకొని బోల్తా కొట్టింది.
అయితే, ప్రమాదం జరిగిన వెంటనే ఇతర వాహనాల్లోని భక్తులు వాయువేగంతో స్పందించారు. మినీ ట్రక్కు క్షతగాత్రులను గుర్తించి అంబులెన్స్‌కు ఫోన్‌ చేసి ఆస్పత్రికి తరలించారు. రోడ్డు ప్రమాదంపై తిరుమల ట్రాఫిక్‌ పోలీసులు కేసును నమోదు చేసి దర్యాప్తు చేపట్టారు. ఈ ప్రమాదానికి సంబంధించి మరిన్ని వివరాలు తెలియాల్సి ఉంది.
|
|