ట్రెండింగ్
సీఐడీ అదనపు డీజీగా ఎన్‌.సంజయ్‌... ఉత్తర్వులు జారీ చేసిన ఏపీ సర్కార్
Andhra Pradesh Telugu | Suryaa Desk | Published : Mon, Jan 23, 2023, 11:12 PM
ఆంధ్రప్రదేశ్‌ సీఐడీ అదనపు డీజీగా.. సీనియర్‌ ఐపీఎస్‌ అధికారి ఎన్‌.సంజయ్‌ నియమితులయ్యారు. ఆయన్ను నియమిస్తూ.. రాష్ట్ర ప్రభుత్వం సోమవారం ఉత్తర్వులు జారీ చేసింది. ప్రస్తుతం ఆంధ్రప్రదేశ్‌ సీఐడీ చీఫ్‌గా ఉన్న పి.వి.సునీల్‌కుమార్‌ను ప్రభుత్వం బదిలీ చేసింది. సునీల్‌కుమార్‌ని సాధారణ పరిపాలనా శాఖలో రిపోర్టు చేయాలని ప్రభుత్వం ఆదేశించింది. సీఐడీ అదనపు డీజీగా నియమితులైన ఎన్‌.సంజయ్‌.. ప్రస్తుతం ఏపీ స్టేట్ డిజాస్టర్ అండ్ ఫైర్ సర్వీస్ డీజీగా విధులు నిర్వర్తిస్తున్నారు. అంతర్గత బదిలీల్లో భాగంగానే ఈ బదిలీ జరిగినట్టు తెలుస్తోంది. అయితే.. సడెన్‌గా సంజయ్‌కు.. ఏపీ సీఐడీ బాధ్యతలు అప్పగించడం చర్చనీయాంశంగా మారింది. పి.వి.సునీల్‌కుమార్‌కు ఏ శాఖలో బాధ్యతలు అప్పగిస్తారనేది ఆసక్తికరంగా మారింది. చాలా కేసుల్లో పి.వి.సునీల్‌కుమార్‌ పేరు ప్రముఖంగా వినిపించింది.
|
|