సమ్మెలోకి వెళ్తామంటున్న 108 అంబులెన్స్ సిబ్బంది
Andhra Pradesh Telugu | Suryaa Desk | Published : Tue, Jan 24, 2023, 02:50 PM
108 అంబులెన్స్ సిబ్బందిలో ఓపిక నశిస్తోంది. రాష్ట్ర ప్రభుత్వం ఇచ్చిన హామీల్లో ఏ ఒక్కటి నెరవేరక పోవటం, కార్మిక శాఖ, అరబిందో సంస్థలకు గతేడాది డిసెంబరు 14వ తేదీన సమ్మె నోటీసు ఇచ్చినా స్పందనలేకపోవడంతో ఏ క్షణంలోనైనా సమ్మెలోకి వెళ్లేందుకు సిద్ధమవుతున్నారు. ప్రభుత్వ వైఖరికి నిరసనగా సోమవారం నెల్లూరు కలెక్టరేట్ వద్ద 108 సిబ్బంది ధర్నా నిర్వహించారు. నెల్లూరు జిల్లావ్యాప్తంగా 48 అంబులెన్సులకు గాను 42 మాత్రమే నడుస్తున్నాయి. ఈఎన్టీ, పైలెట్లు 154 మంది ఉన్నారు. మరో 20 మంది అవసరం ఉన్నా భర్తీ చేయలేదు. ఎన్నికల ముందు సీఎం జగన్ 108 సిబ్బందికి అనేక హామీలు ఇచ్చారు. ప్రతి ఏడాది ఇంక్రిమెంట్, అందరికీ సమాన వేతనాలు, పీఎఫ్, ఈఎ్సఐ ప్రభుత్వమే కడుతుందని, ఉద్యోగ భద్రత కల్పిస్తామని ఇలా ఎన్నో వాగ్దానాలను చేశారు. అయితే అధికారంలోకి వచ్చి మూడేళ్లు కావస్తున్నా హామీలు మాత్రం నేరవేర లేదు. యూనియన్ నాయకులు చేస్తున్న వినతులనూ ప్రభుత్వం పట్టించుకోలేదు. దీంతో వారంతా సమ్మెలోకి వెళుతున్నారు. దీంతో వాహనాలూ ఎక్కడికక్కడ ఆగిపోనున్నాయి.
|
|