ట్రెండింగ్
గోదావరిలో దూకి ఆత్మహత్య చేసుకున్న యువకుడు
Andhra Pradesh Telugu | Suryaa Desk | Published : Fri, Jan 27, 2023, 02:00 PM
అంబేడ్కర్‌ కోనసీమ జిల్లా కె.గంగవరం మండలంలోని సత్యవాడ శివారు ఈస్టు ఖండ్రికకు చెందిన పల్నాటి రాంబాబు(28) గోదావరిలో దూకి ఆత్మహత్య చేసుకున్నాడు. స్థానికులు, పామర్రు పోలీసులు తెలిపిన వివరాలు ఇలా ఉన్నాయి. రాంబాబు బుధవారం రాత్రి ఇంటి దగ్గర నుంచి బయటకువెళ్లి తిరిగిరాలేదు.గురువారం ఉదయం సుందరపల్లి వద్ద గోదావరి నదిలో అతని మృతదేహం కనిపించింది. రాంబాబుకు వివాహం కాలేదు. తల్లిదండ్రులు ఉన్నారు. బైక్‌, సెల్‌ఫోను గోదావరి ఒడ్డున దొరికాయి. తాను చనిపోతున్నానని బైకు, సెల్‌ఫోను తీసుకువెళ్లమని స్నేహితులకు మెసేజ్‌ చేసినట్లుగా చెప్పుకుంటున్నారు. రాంబాబు మేనమామ అడపా శ్రీనివాసు ఫిర్యాదుపై కేసు నమోదు చేసి దర్యాప్తు చేస్తున్నట్లు ఎస్‌.ఐ. కె.చిరంజీవి చెప్పారు.
|
|