లోకేష్ కామెడీ చూసి జనం ఎంజాయ్ చేస్తున్నారు...లక్ష్మీపార్వతి
Andhra Pradesh Telugu | Suryaa Desk | Published : Mon, Jan 30, 2023, 12:02 AM
ఒక కమేడియన్‌ పాదయాత్ర చేస్తే కామెడీ తప్ప మరేమీ ఉండదని నారా లోకేష్ను ఉద్దేశించి వైఎస్సార్ కాంగ్రెస్ పార్టీ నాయకురాలు, తెలుగు అకాడమీ ఛైర్‌పర్సన్‌ నందమూరి లక్ష్మీపార్వతి సెటైర్లు చేశారు. పాదయాత్రలో లోకేష్ చేస్తున్న కామెడీని చూసి అందరూ ఎంజాయ్ చేస్తున్నారని పేర్కొన్నారు. తెలుగు దేశం పార్టీ జాతీయ ప్రధాన కార్యదర్శి నారా లోకేష్ పాదయాత్రలో పాల్గొన్న నందమూరి తారకరత్నకు గుండెపోటు రావడం బాధాకరమని ఆమెఆవేదన వ్యక్తం చేశారు. ఎన్టీఆర్‌ మనవడు తారకరత్న ఆరోగ్య పరిస్థితి సీరియస్‌గా ఉంటే.. లోకేష్ ఒక్క రోజు కూడా పాదయాత్ర ఆపలేందటే వారి మానవత్వం ఎలాంటిదో ప్రజలకు తెలిసిపోయిందన్నారు.
ఈ మేరకు ఆదివారం లక్ష్మీపార్వతి మీడియాతో మాట్లాడుతూ.. తెలుగు దేశం పార్టీ అధినేత చంద్రబాబునాయుడు, నారా లోకేష్‌పై తీవ్ర ఆగ్రహం వ్యక్తం చేశారు. నారా లోకేష్ను అందరూ ఐరన్‌ లెగ్‌గా అభివర్ణిస్తున్నారని లక్ష్మీపార్వతి వ్యాఖ్యానించారు. పాదయాత్ర ప్రారంభించిన రోజునే నందమూరి తారకరత్న తీవ్ర అస్వస్థతకు గురికావడాన్ని ప్రజలు పెద్ద అపశృతిగా భావిస్తున్నారని చెప్పారు. ఏ మాత్రం మానవత్వం లేని చంద్రబాబు, లోకేష్ స్వభావం చూస్తుంటే అసహ్యంగా ఉందని దుయ్యబట్టారు. ఎన్ని పాదయాత్రలు చేసినా లోకేష్ ఈ జన్మలో నాయకుడు కాలేరని జోస్యం చెప్పారు. చంద్రబాబు, లోకేష్ మీటింగ్‌ల కారణంగా ఎందరో చనిపోతున్నారని వ్యాఖ్యానించారు. వీరు మనుషులను చంపడానికే వచ్చారా అని ప్రజలు ఆగ్రహం వ్యక్తం చేస్తున్నారని చెప్పారు.
|
|