తారక్ త్వరగా కోలుకోవాలని మంచు మనోజ్ ప్రార్థన
Andhra Pradesh Telugu | Suryaa Desk | Published : Mon, Jan 30, 2023, 12:02 AM
నందమూరి తారకరత్న త్వరలో మన ముందుకు వస్తారని.. హీరో మంచు మనోజ్ చెప్పారు. బెంగళూరులోని హృదయాలయ ఆసుపత్రికి వెళ్లిన మనోజ్.. తారకరత్నను చూశారు. వారి కుటుంబ సభ్యులను పరామర్శించారు. తారకరత్న ఆరోగ్య పరిస్థిపై ఉత్కంఠ నెలకొన్న నేపథ్యంలో.. సినీ, రాజకీయ హృదయాలయ ఆసుపత్రికి వస్తున్నారు. ఉదయం తారకరత్న కుటుంబ సభ్యులు, బంధువులు ఆయనను చూసేందుకు రాగా.. సాయంత్రం హీరో మంచు మనోజ్ తారకరత్న చికిత్స పొందుతున్న ఆస్పత్రికి వచ్చారు.
ఐసీయూలో చికిత్స పొందుతున్న తారకరత్నను చూసినట్లు హీరో మంచు మనోజ్ వెల్లడించారు. తారకరత్న క్రమంగా కోలుకుంటున్నారని.. కోలుకుంటున్న తీరుపై వైద్యులు సంతృప్తిగా ఉన్నారని చెప్పారు. తారకరత్న త్వరగా కోలుకోవాలని మంచు మనోజ్ ఆకాంక్షించారు. నారాయణ హృదయాలయ వైద్యశాలలో చికిత్స పొందుతున్న తారకరత్నను.. జూనియర్ ఎన్టీఆర్, కళ్యాణ్ రామ్, వసుంధర, బ్రాహ్మణి చూశారు. కర్ణాటక (Karnataka) ఆరోగ్య శాఖ మంత్రి సుధాకర్ ఆసుపత్రికి వచ్చి తారకరత్నకు అందుతున్న వైద్యసేవలపై ఆరా తీశారు. సీఎం బొమ్మై కూడా వైద్య సేవలపై ఆరా తీస్తున్నట్టు సమాచారం.
|
|