గండికోట కార్తీక్పై ప్రత్యర్థుల దాడి,,,తీవ్రంగా గాయపడిన జేసీ ప్రబాకర్ రెడ్డి అనుచరుడు
Andhra Pradesh Telugu | Suryaa Desk | Published : Mon, Jan 30, 2023, 08:47 PM
అనంతపురం జిల్లా తాడిపత్రిలో మళ్లీ ముఠా తగాధాలు పడగవిప్పాయి. తాడిపత్రి మాజీ ఎమ్మెల్యే, మున్సిపల్ ఛైర్మన్ జేసీ ప్రభాకర్రెడ్డి ముఖ్య అనుచరుడిపై హత్యయత్నం కలకలంరేపింది. ఐటీడీపీ పట్టణ అధ్యక్షుడు గండికోట కార్తీక్పై కొందరు దాడి చేశారు. కార్తీక్ విధులు ముగించుకుని ఇంటికి వెళ్తుండగా ఆదివారం అర్ధరాత్రి దాటిన తర్వాత కొంతమంది యువకులు ఆయన ఎటాక్ చేయగా.. అతడికి తీవ్ర గాయాలయ్యాయి. వెంటనే బాధితుడ్ని ఆస్పత్రికి తరలించారు.
తాను వెళ్తున్న సమయంలో కొందరు మార్గ మధ్యలోకాపు కాసి కత్తులు, కర్రలతో దాడి చేశారని కార్తీక్ ఆరోపిస్తున్నారు. తాడిపత్రిలో ప్రాథమికంగా చికిత్స అందించిన అనంతరం మెరుగైన చికిత్స కోసం అనంతపురం ఆస్పత్రికి తరలించారు. రాష్ట్ర ప్రభుత్వ వైఫల్యాలపై సోషల్ మీడియాలో పోస్టులు పెడుతున్నామనే కోపంతోనే కొందరు ఈ దాడికి పాల్పడ్డారని కార్తీక్ ఆరోపించారు.
ప్రజా క్షేత్రంలో ప్రజా సమస్యలపై ప్రశ్నించే వారిపై భౌతిక దాడులు చేయడం సరికాదన్నారు టీడీపీ నేతలు. ఈ దాడి తర్వాత వారు ఆగుతారు అనుకుంటే అది పొరపాటేనని.. ఇలాంటి భౌతిక దాడులు జరిగే కొద్దీ ప్రజా వ్యతిరేకతను ప్రభుత్వ వ్యతిరేకతను ప్రశ్నించే చాలా గొంతుకులు వస్తాయన్నారు. రాజకీయాలను రాజకీయంగానే ఎదుర్కోవాలి కానీ.. ఇలా చేయడం దారుణమన్నారు. దాడి చేసిన వారిని వెంటనే గుర్తించి వారిపై కేసులో నమోదు చేయాలని డిమాండ్ చేశారు.
|
|