రోడ్డు ప్రమాదంలో యువకుడు మృతి
Andhra Pradesh Telugu | Suryaa Desk | Published : Thu, Feb 02, 2023, 12:30 PM
విశాఖపట్టణం, ఎస్‌.రాయవరం, సమీపంలో చెట్టును బైక్‌ ఢీకొన్న ప్రమాదంలో ఓ యువకుడు మృతి చెందగా, బాలికకు తీవ్ర గాయాలయ్యాయి. వివరాల్లోకి వెళ్ళితే..... రాంబిల్లి మండలం కలవలాపల్లి గ్రామానికి చెందిన గుడబండి దుర్గాప్రసాద్‌ (23) తన భార్య ఎస్‌.రాయవరంలో గల పుట్టింట్లో ఉండడంతో ఆమెను చూసేందుకు పదో తరగతి చదువుతున్న తన పెద్దమ్మ కుమార్తె భవనీని వెంటబెట్టుకొని బుధవారం బైక్‌పై బయల్దేరాడు. సర్వసిద్ధి గ్రామం దాటిన తరువాత ఎస్‌.రాయవరం సమీపానికి వెళ్లేసరికి ప్రమాదవశాత్తు రోడ్డు పక్కనున్న చెట్టును ఢీకొన్నాడు. దీంతో బైక్‌పై ఉన్న ఇద్దరూ కాలువలో పడిపోయారు. దుర్గాప్రసాద్‌ తలకు తీవ్ర గాయం కావడంతో అతడు అక్కడిక్కడే మృతి చెందగా, అతని చెల్లెలు భవానీకి తీవ్ర గాయాలయ్యాయి. ఈ ప్రమాదాన్ని చూసినవారు వెంటనే 108కి సమాచారం అందించడంతో సదరు వాహనంలో భవానీని ప్రభుత్వ ఆస్పత్రికి తరలించారు. ఈ ఘటనపై కేసు నమోదుచేసి, దర్యాప్తు చేస్తున్నట్టు ఎస్‌ఐ చెప్పారు.
|
|