అక్రమ మద్యం స్వాధీనం, పలువురు అరెస్ట్
Andhra Pradesh Telugu | Suryaa Desk | Published : Fri, Feb 03, 2023, 01:41 PM
కర్నూలు జిల్లా, కోడుమూరు పరిధిలోని క్రిష్ణాపురం రహదారిలో గురువారం తెల్లవారుజామున స్కార్పియో కారులో తరలిస్తున్న కర్ణాటక మద్యం పట్టుకున్నట్లు సెబ్‌ సీఐ శ్యాంప్రసాద్‌ తెలిపారు. ఈ సందర్భంగా ఆయన మాట్లాడుతూ..... తనిఖీల్లో భాగంగా మాడుగుండ్ల వాగు వద్ద 40 బాక్సుల మద్యం పట్టుకున్నట్లు తెలిపారు. వాటిల్లో లెక్కించగా 3840 టెట్రా ప్యాకెట్లు ఉన్నట్లు గుర్తించామన్నారు. పట్టుకున్న మద్యం విలువ రూ 1.4 లక్షలు ఉంటుందని తెలిపారు. నిందితులు ఈడిగ గిరిబాబు, శీలబోయిన ఆంజనేయులు, తెలుగు ఉపేంద్ర అనే వ్యక్తులను అరెస్ట్ చేసి రిమాండ్‌ తరలించామని అన్నారు. పారి పోయిన డ్రైవర్‌ ఈడిగ చిన్న రంగడును అరెస్ట్ చేస్తామని చెప్పారు. మద్యం తరలింపులో వినియోగించిన ఫోర్‌ వీలర్‌, బైక్‌ సీజ్‌ చేసినట్లు వివరించారు. కార్యక్రమంలో సెబ్‌ టాస్క్‌ఫోర్స్‌ ఎస్‌ఐ స్వామినాథన్‌, ఎస్‌ఐ సునీల్‌కుమార్‌ సిబ్బంది హనుమంతు, వెంకటరాముడు, శంకర్‌నాయక్‌, బషీర్‌, నరసింహ, కృష్ణుడు, రాజు, సువర్ణమ్మ పాల్గొన్నారు.
|
|