ట్రెండింగ్
చీరాల కాలేజీ సెంటర్ లో బైక్ చోరీ
Andhra Pradesh Telugu | Suryaa Desk | Published : Sun, Feb 05, 2023, 10:34 AM
చీరాల పట్టణంలోని కాలేజీ సెంటర్లో బైక్ చోరీకి గురయింది. చిలకలూరిపేట మండలం కట్టుబడి వారి పాలెం గ్రామానికి చెందిన ఆలపాటి తేజ కుమార్ పనిమీద బైక్ పై శనివారం చీరాల వచ్చాడు. కాలేజీ సెంటర్ వద్దకు రాగానే పెట్రోల్ అయిపోవడంతో అది తెచ్చుకోవడానికి వెళుతూ బైక్ ను రోడ్డు పక్కన నిలిపి వెళ్ళాడు. తేజ కుమార్ పెట్రోలు తీసుకుని తిరిగి వచ్చేసరికి అతను నిలిపిన స్థలంలో బైక్ కనపడలేదు. దీంతో అక్కడ ఇక్కడ వెతికినా ప్రయోజనం లేకపోవడంతో చీరాల టూ టౌన్ పోలీసులకు ఫిర్యాదు చేయగా కేసు నమోదు చేసి దర్యాప్తు చేపట్టినట్లు సీఐ సోమశేఖర్ చెప్పారు. చోరీకి గురైన బైక్ విలువ 65 వేల రూపాయలు ఉంటుందని బాధితుడు తన ఫిర్యాదులో పేర్కొన్నాడు.
|
|