ట్రెండింగ్
స్కూల్ బాగు కోసం సొంతంగా పని చేస్తున్న ఉపాధ్యాయులు
Andhra Pradesh Telugu | Suryaa Desk | Published : Sun, Feb 05, 2023, 02:45 PM
గుంటూరు జిల్లా ప్రత్తిపాడు మండల పరిధిలోని గొట్టిపాడు జిల్లా పరిషత్ ఉన్నత పాఠశాల ఉపాధ్యాయులు పెయింటర్ల అవతారమెత్తారు. ఈ పాఠశాల పనుల కోసం ఇటీవల రూ.45 వేలు మంజూరయ్యాయి. పనులు మాత్రం పూర్తికాలేదు. దీంతో విద్యార్థులు, ఉపాధ్యాయులు కలిసి ప్రహరీలో ఒక భాగానికి, గదుల్లోని తలుపులకు రంగులు వేశారు. పాఠశాలను అభివృద్ధి చేయాలనే ఉద్దేశంతో తామే స్వచ్ఛందంగా రంగులు వేస్తున్నామని పాఠశాల ఉపాధ్యాయుడు, ఏపీటీఎఫ్ జిల్లా అధ్యక్షుడు బసవ లింగారావు చెప్పారు. అయితే విద్యార్థులతో రంగులు వేయించడాన్ని తల్లిదండ్రులు తప్పుబట్టారు. విద్యార్థులు రంగులు వేసే ఫొటోలు సామాజిక మాధ్యమాల్లో హల్చల్ చేస్తున్నాయి.
|
|