లోకేష్ ఎన్ని అడుగులు వేస్తే టీడీపీ అంత పాతాళంలోకి పోతుంది...కొడాలి నాని
Andhra Pradesh Telugu | Suryaa Desk | Published : Mon, Feb 06, 2023, 05:55 PM
నారా లోకేష్ పాదయాత్రలో ఎన్ని అడుగులేస్తే.. టీడీపీ అంత పాతాళానికి వెళ్తుందని మాజీ మంత్రి, వైసీపీ ఎమ్మెల్యే కొడాలి నాని ఎద్దేవా చేశారు. 'వాళ్ల బాబు మూడు సార్లు సీఎం చేసినప్పుడు ఏం చేశారు. పోలీసులను లోకేష్ బెదిరిస్తున్నారు.. పోలీసుల బూట్లు తుడవడానికి కూడా లోకేష్ పనికిరారు. పైన కొబ్బరి నీళ్లు.. కింద కొబ్బరి నూనె పూసుకోడానికే లోకేష్ పాదయాత్ర చేస్తున్నారు. లోకేష్ పాదయత్రకి మేము కాదు.. టీడీపీ వణుకుతోంది. నాపై విమర్శలు చేసే లోకేష్ చెంచాలకి కోసి చేతిలో పెడతా' అని కొడాలి నాని వార్నింగ్ ఇచ్చారు.
తనతో బహిరంగ చర్చకు వచ్చే అర్హత నారా లోకేష్‌కు లేదని.. ఎమ్మెల్యేగా ఓడిపోయినోడితో నాలుగు సార్లు ఎమ్మెల్యేనైన తాను చర్చించడమేంటి.. అని కొడాలి నాని ప్రశ్నించారు. ప్రభుత్వంలో నాణ్యమైన బియ్యం ప్రతి ఇంటికీ పంపిణీ చేస్తున్నామని స్పష్టం చేశారు. బండ బియ్యం తిన్న నారా లోకేష్.. అంటూ ఫైర్ అయ్యారు. తనను ఏదో చేస్తామని టీడీపీ వాళ్లు చేతకాని ప్రకటనలు ఇస్తున్నారని.. టీడీపీలో ఎవరు తనను ఏం చేయలేరన్నారు.
|
|