ట్రెండింగ్
ఫేన్సి నెంబర్ ప్లేట్ల పై ప్రత్యేక తనిఖీలు
Andhra Pradesh Telugu | Suryaa Desk | Published : Thu, Feb 09, 2023, 02:22 PM
నిబంధనలకు విరుద్ధంగా ఫేన్సి నెంబర్ ప్లేట్లతో తిరుగుతున్న వాహనాల పై ప్రత్యేక బృందాలను ఏర్పాటు చేసి తనిఖీలు చేపడుతున్నామని విశాఖ రవాణా ఉప కమిషనర్ జి సి రాజారత్నం పేర్కొన్నారు. ఈ మేరకు విశాఖపట్నం జిల్లాలో బోయపాలెం , ఎన్. ఎస్. టి. ఎల్, మద్దిలపాలెం, బీచ్ రోడ్డు , గాజువాక ఏరియాలలో బుధవారం ప్రత్యేక తనిఖీలు నిర్వహించి ఫేన్సి నెంబర్ ప్లేట్లతో తిరుగుతున్న 119 వాహనాల పై కేసులు నమోదు చేసి రూ 1. 36 లక్షలు జరిమానా వసూలు చేసి 2 వాహనాలను సీజు చేయడం జరిగిందని తెలిపారు. ఈ తనిఖీలలో యం. వి. ఐ. లు ప్రవీణ్ కుమార్, బుచ్చి రాజు, మన్మోహన్, గణేష్ రెడ్డి, సుధీర్, సత్యం నాయుడు, కె శ్రీనివాస్, రోభిమున్నిషా, మాధవి ఎ.యం.వి.ఐ.లు శ్రీనివాస్ యాదవ్, సుమన్ కుమార్, సృజన, శిరీష, లలిత యం.ఎస్.వి ప్రకాశ్ పాల్గొన్నారు. ఈ తనిఖీలు కొనసాగుతాయని తెలియజేశారు.
|
|