నిజంగా పోలీసులే పాదయాత్రతో పాటు వస్తున్నారా..? లేక వెనుక అదృశ్య శక్తులు ఏమైనా ఉన్నాయా?
Andhra Pradesh Telugu | Suryaa Desk | Published : Thu, Feb 09, 2023, 03:20 PM
టీడీపీ జాతీయ ప్రధానకార్యదర్శి నారా లోకేష్ యువగళం పాదయాత్ర లో పోలీసులు ప్రతి రోజు అడ్డంకులు సృష్టిస్తున్నారని టీడీపీ నేతలు ఆగ్రహం వ్యక్తం చేశారు. పోలీసుల అరాచకం, అడ్డంకులపై మాజీ మంత్రి అమర్నాథ్ రెడ్డి , ఎమ్మెల్సీ దీపక్ రెడ్డి మీడియాతో మాట్లాడుతూ.. నిజంగా పోలీసులే పాదయాత్రతో పాటు వస్తున్నారా..? లేక వెనుక అదృశ్య శక్తులు ఏమైనా ఉన్నాయా? అన్న అనుమానం కలుగుతోందన్నారు. పోలీసులు హ్యాండ్ మైకులు బలవంతంగా లాక్కుని టీడీపీ శ్రేణులపై అరాచకలకు పాల్పడ్డారని విమర్శించారు. సీఎం జగన్మోహన్ రెడ్డే పోలీసుల ద్వారా పాదయాత్రలో అడ్డంకులు కలిగించే చర్యలు చేస్తున్నారని ఆరోపించారు. లోకేష్ పాదయాత్రను వైసీపీ మంత్రులు శవయాత్రగా మాట్లాడుతున్నారని.. కానీ బతికి ఉండగానే మంత్రులుగా మీకు శివయాత్ర చేసే రోజులు దగ్గరపడ్డాయని హెచ్చరించారు. ముఖ్యమంత్రికి రాత్రి పగలు నిద్ర పట్టడం లేదని, కన్నుమూసినా.. తెరిసినా.. లోకేష్ పాదయాత్ర ఆయనకు ఒక పీడకలుగా కనిపిస్తోందని టీడీపీ నేతలు వ్యాఖ్యానించారు.
|
|