అగ్ని ప్రమాదంలో గాయపడ్డ వారంతా సేఫ్
Andhra Pradesh Telugu | Suryaa Desk | Published : Sun, Feb 12, 2023, 05:56 PM
విశాఖ స్టీల్ ప్లాంట్ లో శనివారం నాడు అగ్నిప్రమాదం చోటు చేసుకున్న విషయం తెలిసిందే. ఇదిలా ఉంటే విశాఖపట్నం స్టీల్ ప్లాంట్‌లో జరిగిన ప్రమాదంలో బాధితులంతా సేఫ్ అని తెలుస్తోంది. శనివారం జరిగిన ఈ ప్రమాదంలో 9 మంది కార్మికులు గాయాలపాలవగా.. వారిని చికిత్స నిమిత్తం ఆస్పత్రికి తరలించారు. ఎస్‌ఎంఎస్‌-2లో ద్రవ ఉక్కు తీసుకెళ్తున్న లాడిల్‌ ఒక్కసారిగా పేలిపోవడంతో ఈ ప్రమాదం జరిగినట్లు తెలుస్తోంది.
ఈ ప్రమాదంలో గాయపడ్డ వారిలో నలుగురు పర్మినెంట్ ఉద్యోగులు, ఐదుగురు కాంట్రాక్టు ఉద్యోగులు ఉన్నారు. తీవ్రంగా గాయపడ్డ ఐదుగురిని సెవెన్ హిల్స్ ఆస్పత్రికి తరలించారు. మరో నలుగురిని స్టీల్ ప్లాంట్ జనరల్ ఆస్పత్రికి తరలించారు.
ఈ ప్రమాదంలో గాయపడ్డ వారిలో శ్రీను, బంగారయ్య, అనిల్ బిశ్వాల్, సూరిబాబు, జై కుమార్, పోతయ్య, ఈశ్వర్ నాయుడు, అప్పలరాజు, సాహు ఉన్నారు. అయితే, బాధితులకు 20 శాతం నుంచి 30 శాతం మేర గాయాలు కావడంతో ప్రాణపాయం తప్పందని స్థానిక అధికారులు తెలిపారు. వీరిలో ఇద్దరి పరిస్థితి సిరియస్ ఉండటంతో మెరుగైన వైద్యం అందిస్తున్నారు. ఈ ప్రమాదంపై విచారణ జరిపి మెరుగైన వైద్యం అందించాలని స్టీల్ ప్లాంట్ కార్మిక సంఘ నాయకులు కోరారు. ఈ ఘటనకు సంబంధించి మరిన్ని వివరాలు తెలియాల్సి ఉంది.
|
|