ఉచితంగా డ్రైవింగ్‌ శిక్షణ
Andhra Pradesh Telugu | Suryaa Desk | Published : Tue, Feb 14, 2023, 02:13 PM
కడప జిల్లా, కమలాపురం పట్టణంలో ఉన్న యువకులకు శ్రీలక్ష్మి దుర్గ టెక్నికల్‌ స్కూలు నందు ఉచితంగా డ్రైవింగ్‌ శిక్షణ ఇస్తున్నట్లు హైదరాబాద్‌ అభయ ఫౌండేషన్‌ వ్యవస్థాపకులు సుంకు బాలచంద్ర తెలిపారు. సోమవారం ఆయన మాట్లాడు తూ మదర్‌థెరిసా సేవా సమితి ఛారిటబుల్‌ ట్రస్టు ఆధ్వర్యంలో 20 రోజులు డ్రైవింగ్‌ పది రోజులు థియరి క్లాస్‌ చెబుతూ నెలరోజుల పాటు కార్యక్రమాన్ని నిర్వహిస్తున్నట్లు తెలిపారు. పూర్తిస్తాయిలో శిక్షణ ఇచ్చిన తరువాత ఎల్‌ఎల్‌ఆర్‌ లైసెన్సు మరియు సర్టిఫికెట్‌ అందిస్తామని తెలిపారు. ఆసక్తి ఉన్న వారు వెంటనే దరఖాస్తు చేసుకుని సంబంధిత డాక్యుమెంట్లను జతపరచి ఇవ్వాలని తెలిపారు. 19 సంవత్సరాల నుండి 35 సంవత్సరాల యువకులు అర్హులన్నారు. రేషన్‌కార్డు, ఆధార్‌ కార్డు, మార్కుల జాబితా, నాలుగు పాస్‌పోర్టు సైజు ఫోటోలు తీసుకునిరావాలన్నారు. రిజిస్ట్రేషన్‌ ఫీజు రూ.500 అభయ ఫౌండేషన్‌, హైదరాబాదు వారికి చెల్లించాలన్నారు. శిక్షణ పూర్తయిన తరువాత తిరిగి అమౌంటు ఇవ్వబడుతుందని తెలిపారు. మరిన్ని వివరాలకు మదర్‌థెరిసా సేవ సమితి ఛారిటబుల్‌ ట్రస్టు ఛైర్మన్‌ జూటూరు విజయ్‌కుమార్‌, సెల్‌.9160531138, 9912418646 నెంబర్లను సంప్రదించాలని కోరారు.
|
|