ట్రెండింగ్
22వ రోజు కొనసాగుతున్న లోకేష్ యువగళం పాదయాత్ర
Andhra Pradesh Telugu | Suryaa Desk | Published : Fri, Feb 17, 2023, 01:24 PM
టీడీపీ యువనేత నారా లోకేష్ యువగళం పాదయాత్ర 22వ రోజు మొదలైంది. శుక్రవారం ఉదయం సత్యవేడు నియోజకవర్గం పరిధిలోని బైరాజు కండ్రిగ విడిది కేంద్రం నుంచి లోకేష్ పాదయాత్రను ప్రారంభించారు. కాసేపటి క్రితమే శ్రీకాళహస్తి నియోజకవర్గం పరిధిలోని లక్ష్మీపురంలోని పాదయాత్ర ప్రవేశించింది. లోకేష్ కు స్వాగతం పలికేందుకు పెద్దఎత్తున టీడీపీ శ్రేణులు, అభిమానులు అక్కడకు తరలివచ్చారు. శ్రీకాళహస్తిలో టీడీపీ శ్రేణులు ఇచ్చిన పాదయాత్ర రూట్‌మ్యాప్‌ను పోలీసులు నిరాకరించారు. తాము చెప్పిన మార్గంలోనే పాదయాత్ర చేసుకోవాలని పోలీసులు మౌకిక ఆదేశాలు జారీ చేశారు. మొత్తానికి శ్రీకాళహస్తి బ్రహ్మోత్సవాల పేరుతో పాదయాత్రను అడ్డుకునేందుకు పోలీసులు తీవ్రంగా ప్రయత్నిస్తున్నారు అని టీడీపీ నాయకులూ వాపోతున్నారు.
|
|