ట్రెండింగ్
ముత్తంగి అలంకారంలో భద్రాద్రి రామయ్య
Bhakthi | Suryaa Desk | Published : Mon, Feb 20, 2023, 03:49 PM
భద్రాచలం శ్రీసీతారామ చంద్రస్వామి వారి దేవస్థానంలో రామయ్యకు ప్రత్యేక పూజలు జరిపారు. సోమవారం సందర్భంగా స్వామి వారు ముత్తంగి అలంకారంలో దర్శనమిచ్చారు. ఆలయ తలుపులు తెరిచి స్వామివారికి సుప్రభాత సేవ నిర్వహించారు. అనంతరం ఆరాధన, సేవాకాలం, నిత్య బలిహరణం, తదితర నిత్యపూజా కార్యక్రమాలు యధావిధిగా జరిపారు. ముందుగా విశ్వక్సేన ఆరాధన, కర్మణః పుణ్యాహవాచన చేసి స్వామి వారికి కంకణధారణ, యజ్ఞోపధారణ, అమ్మ వారికి కంకణధారణ, యోక్త్ర ధారణం తదితర కార్యక్రమాలతో రామయ్యకు నిత్యకల్యాణం జరిపారు. ఈ కార్యక్రమంలో ఆలయ అర్చకులు, అధికారులు, సిబ్బంది తదితరులు పాల్గొన్నారు.
|
|