ట్రెండింగ్
యువగళం అప్ డేట్స్
Andhra Pradesh Telugu | Suryaa Desk | Published : Tue, Feb 21, 2023, 02:13 PM
టీడీపీ యువనేత నారా లోకేశ్‌ చేపట్టిన యువగళం పాదయాత్ర మూడు రోజుల విరామం తర్వాత మంగళవారం తిరిగి మొదలు కానుంది. మహాశివరాత్రి పర్వదినాన్ని పురస్కరించుకుని శనివారం, నందమూరి తారకరత్న మృతితో ఆది, సోమవారాల్లో వరుసగా మూడు రోజుల పాటు పాదయాత్రకు విరామం ప్రకటించిన సంగతి తెలిసిందే. హైదరాబాదులో సోమవారం సాయంత్రం జరిగిన తారకరత్న అంత్యక్రియల్లో లోకేశ్‌ పాల్గొన్నారు. అనంతరం ఆయన విమానంలో బయలుదేరి సోమవారం రాత్రి 10.30 గంటలకు తిరుపతి విమానాశ్రయం చేరుకున్నారు. రోడ్డుమార్గం గుండా శ్రీకాళహస్తికి చేరుకుని.. తాను శుక్రవారం బస చేసిన విడిదికి చేరుకున్నారు. ఇక్కడ్నుంచి మంగళవారం ఉదయం యువగళం పాదయాత్రను కొనసాగించనున్నారు.
|
|