రాజకీయ నాయకుడిలా వ్యవహరించిన వీసీపై విచారణ జరిపి చర్యలు తీసుకోవాలి
Andhra Pradesh Telugu | Suryaa Desk | Published : Sat, Feb 25, 2023, 02:47 PM
ఎన్నికల కోడ్ ఉల్లంఘించి అధికార పార్టీ అభ్యర్థికి మద్దతుగా ప్రైవేటు కళాశాలల యాజమాన్యాలతో సమావేశం ఏర్పాటుచేసిన ఆంధ్ర విశ్వవిద్యాలయం ఉప కులపతి ప్రసాదరెడ్డిని రీకాల్ చేయాలని తెలుగుదేశం పొలిట్బ్యూరో సభ్యుడు చింతకాయల అయ్యన్నపాత్రుడు డిమాండ్ చేశారు. ఈ విషయంలో గవర్నర్ తక్షణమే జోక్యం చేసుకోవాలని కోరారు. శుక్రవారం పార్టీ కార్యాలయంలో ఏర్పాటుచేసిన విలేకరుల సమావేశంలో ఆయన మాట్లాడుతూ రాజకీయ నాయకుడిలా వ్యవహరించిన వీసీపై విచారణ జరిపి చర్యలు తీసుకోవాలని కేంద్ర ఎన్నికల సంఘం, రాష్ట్ర ప్రధాన ఎన్నికల అధికారి, విశాఖ జిల్లా కలెక్టర్లకు గురువారం ఫిర్యాదు చేశానన్నారు. ఫిర్యాదుపై విచారణ చేపట్టవలసిందిగా రాష్ట్ర ఎన్నికల ప్రధాన అధికారికి లేఖ రాసినట్టు కేంద్ర ఎన్నికల సంఘం తనకు సమాచారం ఇచ్చిందన్నారు. అయితే రాష్ట్ర ప్రధాన ఎన్నికల అధికారి, విశాఖ కలెక్టర్ ఇంకా స్పందించాల్సి ఉందన్నారు.
|
|