భారీగా ఎర్రచందనం పట్టివేత
Andhra Pradesh Telugu | Suryaa Desk | Published : Tue, Feb 28, 2023, 01:07 PM
అన్నమయ్య జిల్లా సానిపేట, బాలపల్లి రేంజ్‌ ప్రాంతంలో టాస్క్‌ఫోర్స్‌ పోలీసులు రూ.40 లక్షల విలువ చేసే ఎర్రచందనం దుంగలను స్వాధీనం చేసుకున్నారు. టాస్క్‌ఫోర్స్‌ డీఎస్పీ మురళీధర్‌ కథనం మేరకు.... ఆర్‌ఐ చిరంజీవులు, ఆర్‌ఎస్‌ఐ రాఘవేంద్ర బృందం సుండుపల్లి వద్ద అనుంపల్లి, సీతమ్మపేట మెయి న రోడ్డు సమీపంలో కూంబింగ్‌ నిర్వహిస్తుండగా ఎర్రచందనం తరలి స్తున్న సోమలరాజు (37), గొల్ల అశోక్‌ కుమార్‌(32), మోదెం లక్ష్మీ కాంత(24), చోళరాజు వెంకటరాజు (67)ను అరెస్టు చేసి వారి నుంచి 12 ఎర్రచందనం దుంగలను స్వాధీనం చేసుకున్నారు. బాలపల్లిరేంజ్‌లో ఏఆర్‌ ఆర్‌ఐ సురేష్‌ కుమారెడ్డి, ఆర్‌ఎస్‌ఐ సురేష్‌ బృందం కూంబింగ్‌ నిర్వహిస్తుండగా గమనించిన కూలీలు పారిపోయారు. ఆ ప్రాంతంలో 11 ఎర్రచందనం దుంగలను గుర్తించి స్వాధీనం చేసు కున్నారు. సీఐలు చంద్రశేఖర్‌, బాలకృష్ణ కేసులు నమోదు చేసి దర్యాప్తు చేస్తున్నారు.
|
|