పోలీసుల అదుపులో సోమిశెట్టి సుబ్బారావు గుప్తా,,,గంజాయి కేసులో బుక్కైన వైనం
Andhra Pradesh Telugu | Suryaa Desk | Published : Wed, Mar 01, 2023, 06:13 PM
గంజాయి కేసులో వైసీపీ నేత ఒకరు అరెస్ట్ అయ్యారు. బాలినేని శ్రీనివాసరెడ్డిపై గతంలో ఆరోపణలు చేసిన వైఎస్సార్సీపీ నేత సోమిశెట్టి సుబ్బారావు గుప్తాను.. పోలీసులు అదుపులోకి తీసుకున్నారు. గంజాయి కలిగి ఉన్నాడని.. ఒంగోలులోని మంగమ్మ కళాశాల వద్ద గుప్తాను అదుపులోకి తీసుకున్నారు. ఆయన్ను ఒంగోలు తాలూకా పోలీస్ స్టేషన్కు తరలించి విచారణ జరుపుతున్నారు. కొంత కాలంగా బాలినేని శ్రీనివాస రెడ్డి, ఆయన తనయుడు ప్రణీత్రెడ్డిపై సబ్బారావు గుప్త విమర్శలు చేస్తున్నారు.
గతంలో గుంటూరులోని ఓ లాడ్జిలో బాలినేని అనుచరులు సుబ్బారావు గుప్తాపై దాడి చేశారు. అప్పటి నుంచి భూకబ్జాలు, ఇతర అంశాలపై సుబ్బారావు గుప్తా తీవ్రస్థాయిలో ఆరోపణలు చేస్తున్నారు. ఇటీవల మహిళా వసతి గృహంపై బాలినేని అనుచరుడు సుభాని ముఠా దాడి చేసిందని.. ఈ విషయంలో బాలినేని తీరును వ్యతిరేకిస్తూ.. సుబ్బారావుగుప్తా పరుష పదజాలతో మాట్లాడారు. ఈ ఘటన జరిగిన రెండు రోజుల్లోనే ఆయన్ను అదుపులోకి తీసుకోవడం కలకలం రేపుతోంది.
|
|