ట్రెండింగ్
కుక్క విషయంలో గొడవ, మహిళపై దాడి
Andhra Pradesh Telugu | Suryaa Desk | Published : Sat, Mar 04, 2023, 03:05 PM
కడప జిల్లా, మదనపల్లె మండలం వలసపల్లె పంచాయతీ మొలకలదిన్నెకు సుశీల(25) అనే మహిళపై పక్కింటికి చెందిన ఓ వ్యక్తి దాడి చేశాడు. మొలకలదిన్నెకు చెందిన వెంకటేష్ భార్య సుశీల కూలిపనులు చేస్తుండేది. కాగా గురువారం రాత్రి ఇంటి వద్ద కుక్కను కట్టేసి ఉండగా, అది పక్కింటికి చెందిన రవి ఇంటికెళుతుండగా అతన్ని చూసి మొరిగింది. దీంతో కుక్కపై రాయి విసిరాడు. గమనించిన సుశీల అతనితో గొడవ పెట్టుకుంది. ఆవేశానికి గురైన రవి రాయితో మహిళపై దాడి చేశాడు. గమనించిన స్థానికులు బాధితురాలిని జిల్లా ఆస్పత్రికి తరలించారు. ఈ మేరకు కేసుదర్యాప్తు చేస్తున్నట్లు తాలూకా పోలీసులు చెప్పారు.
|
|