అడవిలో పెద్దపులి దాడి, ఎద్దు మృతి
Andhra Pradesh Telugu | Suryaa Desk | Published : Sat, Mar 04, 2023, 03:08 PM
ప్రకాశం జిల్లా, పెద్ద దోర్నాల, పెద్దపులి దాడిలో ఎద్దు మృతిచెందిన ఘటన మండలంలోని ఎగువ చెర్లోపల్లి బీటులో ఆలస్యంగా వెలుగుచూసింది. కొర్రప్రోలు రేంజ్ అధికారి ప్రసన్నజ్యోతి తెలిపిన వివరాల మేరకు.. వై.చెర్లోపల్లి గ్రామానికి చెందిన పులిగుజ్జు దావీదు ఎద్దు బుధవారం సమీప నల్లమల అటవీ ప్రాంతంలో మేతకు వెళ్లింది. తిరిగి మళ్లీ ఇంటికి రాకపోవడంతో రైతు అడవిలోకి వెళ్లి వెతికాడు. గుట్టల మధ్యలో ఎద్దు కళేబరం కనిపించింది. అక్కడ పరిస్థితిని గమనిస్తే పులి చంపినట్లుగా ఆనవాళ్లు ఉన్నాయి. దీంతో అటవీ శాఖాధికారులకు సమాచారమిచ్చారు. శుక్రవారం రేంజ్ అధికారి ప్రసన్న జ్యోతి సిబ్బందితో ఘటనా స్థలానికి వెళ్లి పరిశీలించారు. పెద్దపులి దాడి చేసినట్లుగా గుర్తించారు.
|
|