తన నగ్న ఫోటోలు అమ్మకానికి పెట్టిన,,,క్యాన్సర్ చికిత్స చేయించుకొన్న బాధితురాలు

వైద్యం ఎంత ‍ఖరీదైందో...అది పేదలకు అందని స్థాయికి ఎదిగిందో ప్రత్యేకించి చెప్పనక్కర్లేదు. ఓ పేద యువతి ఎవరూ చేయని సాహసం తన వైద్యం కోసం చేసింది. జాలీగా సాగిపోతున్న ఓ 21 ఏళ్ల అమ్మాయి జీవితంలో ఒక్కసారిగా ఊహించని కుదుపు. అనారోగ్యానికి గురైన ఆమె వైద్య పరీక్షలు చేయించుకోగా.. కేన్సర్ ఉన్నట్టుగా తేలింది. చికిత్సకు భారీ ఖర్చు అవుతుందని వైద్యులు చెప్పడంతో అడల్ట్ వెబ్‌సైట్లలో తన నగ్న ఫోటోలను ఉంచింది. వాటి ద్వారా వచ్చిన డబ్బుతో యువతి చికిత్స తీసుకుంటోన్న ఘటన అమెరికాలో చోటుచేసుకుంది. మిషిగన్‌కు చెందిన మియ రిచర్డ్‌సన్‌ అనే యువతి కణజాల క్యాన్సర్‌తో బాధపడుతోంది.

చికిత్సకు భారీగా ఖర్చువుతుందని వైద్యులు చెప్పారు. ఆర్ధిక పరిస్థితి నేపథ్యంలో కొన్ని పెయిడ్‌ వెబ్‌సైట్లలో తన నగ్న ఫోటోలను ఉంచాలని నిర్ణయించుకుంది. వాటిని ఓన్లీ‌ఫ్యాన్స్ అనే వెబ్‌సైట్‌లో ఉంచగా ఇప్పటి వరకు 80 వేల డాలర్ల మేర సమకూరాయి. ఆ మొత్తంతో క్యాన్సర్ చికిత్స తీసుకుంది. గతేడాది సెప్టెంబరులో ఆమెకు కేన్సర్‌ నిర్థారణ కావడంతో కీమోథెరపీ, రేడియేషన్‌ చికిత్సలు తీసుకుంది. అయితే, రేడియేషన్‌ కారణంగా రిచర్డ్‌సన్ జుట్టు ఊడిపోయింది. అలాగే దిగిన ఫొటోలను వెబ్‌సైట్‌లో ఉంచింది.

తొలినాళ్లలో తనకు క్యాన్సర్‌ ఉన్న విషయాన్ని చెప్పడానికి సంకోచించిన ఆమె.. విగ్గు పెట్టుకుని దిగిన ఫొటోలను పోస్ట్ చేసింది. చివరకు అసలు విషయం బయటపెట్టి విగ్గులేకుండా ఫోటోలు దిగింది. నెటిజన్ల నుంచి దీనిపై సానుకూల స్పందన రావడంతో రిచర్డ్‌సన్ సంతోషం వ్యక్తం చేసింది. త్వరలోనే క్యాన్సర్‌ను పూర్తిగా జయిస్తానన్న నమ్మకం ఉందని పేర్కొంది. ఇప్పటి వరకూ నాలుగు కీమోథెరపీలు, 25 రేడియేషన్ సెషన్లు పూర్తయినట్టు తెలిపింది. కుటుంబంతో పాటు నాకు నేనుగా చికిత్సకు డబ్బు సమకూర్చుకోవాలనే ఉద్దేశంతోనే ఈ ఫోటోలను పెట్టినట్టు తెలిపింది.

తనకు 15వ ఏట నుంచే తుంటి ఎడమ భాగంలో నొప్పి వచ్చేదని, కానీ దానిని సాధారణ నొప్పిగా భావించానని రిచర్డ్‌సన్ తెలిపింది. అయితే, గతేడాది పొత్తికడుపు దిగువ కణితి కనిపించడంతో వైద్యుల్ని సంప్రదించి, పరీక్షలు చేయించుకుంటే క్యాన్సర్ అని నిర్ధారణ అయ్యింది. బయాప్సీ రిపోర్టులో 12 సెం.మీ. పరిమాణంలో ఉందని, స్పిండెల్ సెల్ సార్కోమాగా తేలిందని ఆమె చెప్పారు. అమెరికన్ క్యాన్సర్ సొసైటీ ప్రకారం.. క్యాన్సర్ మొదలైన శరీర భాగానికి పరిమితమైనంత వరకూ 80 శాతం మంది సార్కోమా బాధితులు కోలుకుంటారు. మానవ జీవనంపై కేన్సర్‌ భూతం పంజా విసురుతోంది. కొందరు పొగాకు, మద్యం వంటి వాటికి బానిసలై వ్యాధులు కొని తెచ్చుకుంటే.. తెలిసోతెలియక, వాతావరణ కాలుష్యం కారణంగా మరికొందరు కేన్సర్‌ బారిన పడుతున్నారు.