ట్రెండింగ్
కుక్క రూపంలో వెంటాడిన మృత్యువు
Andhra Pradesh Telugu | Suryaa Desk | Published : Mon, Mar 06, 2023, 12:17 PM
వేగంగా వెళుతున్న ద్విచక్ర వాహనానికి అకస్మాత్తుగా ఓ కుక్క అడ్డు రావడంతో అదుపుతప్పి బైక్ పై నుండి కింద పడి ఒక మహిళ మృతి చెందిన ఘటన వేటపాలెంలో ఆదివారం చోటు చేసుకుంది. ఎస్ఐ సురేష్ కథనం ప్రకారం పాపాయిపాలెం గ్రామానికి చెందిన నాగజ్యోతి ఒక కంపెనీలో కూలీ పనికి వెళ్లేందుకు తెలిసిన వారి మోటార్ సైకిల్ ఎక్కింది. వేటపాలెంలోని బండ బాపయ్య కళాశాల వద్దకు వచ్చేసరికి ఆ బైకు అడ్డంగా కుక్క అడ్డు రావడంతో వాహనం అదుపుతప్పి కిందపడగా నాగజ్యోతి తలకు బలమైన గాయాలయ్యాయి. వెంటనే స్థానికులు చొరవ తీసుకొని నాగజ్యోతి ని చీరాల ప్రభుత్వ ఆసుపత్రి తీసుకెళ్లగా అప్పటికే ఆమె మృతి చెందిందని వైద్యులు నిర్ధారించారు. భర్త పులి శ్రీనివాసరావు ఈ మేరకు ఇచ్చిన ఫిర్యాదు ఆధారంగా కేసు నమోదు చేసి దర్యాప్తు చేపట్టినట్లు ఎస్సై సురేష్ చెప్పారు.
|
|