కారు, ద్విచక్ర వాహనం ఢీ... యువకుడి దుర్మరణం
Andhra Pradesh Telugu | Suryaa Desk | Published : Thu, Mar 09, 2023, 12:01 PM
అర్ధరాత్రి వేళ అతి వేగంగా వాహనం నడుపుతూ ప్రమాదానికి గురై ఓ యువకుడి ప్రాణాలు గాలిలో కలి సిపోగా మరో ఇద్దరు యువకులు తీవ్ర గాయాలతో ఆసుపత్రిలో కొట్టుమిట్టాడుతున్నారు. రాయచోటి పట్టణం మదనపల్లె రోడ్డులోని భారత్ పెట్రోల్ బంక్ వద్ద ఉన్న మలుపు వద్ద బుధవారం అర్ధరాత్రి పల్సర్ వాహనంపై వెళ్తున్న ముగ్గురు యువకులు వేగంగా అజాగ్రత్తగా వెళ్తూ మదనపల్లె వైపు నుంచి వస్తున్న ఇన్నోవా కారును ఢీకొన్నారు. దాంతో ద్విచక్ర వాహనంపై వెళ్తున్న కె. రామాపురం, బోస్ నగర్కు చెందిన రెడ్డి వంశీ, నరేష్, రెహ్మాన్ (19) తీవ్రంగా గాయపడ్డారు. వెంటనే సమాచారం అందు కున్న పోలీసులు క్షతగాత్రులను ప్రభుత్వ ఆసుపత్రికి తరలించారు. ప్రథమ చికిత్సల అనంతరం తిరుపతికి తరలిస్తుండగా మార్గమధ్యలో రెహ్మాన్ మృతి చెందారని ట్రాఫిక్ ఎస్. ఐ. మహమ్మద్ రఫీ పేర్కొ న్నారు. అతి వేగంగా వాహనం నడిపిన రెడ్డివంశీపై కేసు నమోదు చేసి దర్యాప్తు చేస్తున్నామని ట్రాఫిక్ ఎస్. ఐ. పేర్కొన్నారు.
|
|