ఆ ఫేక్ నోటీసుపై క్లారిటీ ఇచ్చిన టీడీపీ

ఇటీవల టీడీపీ పేరుతో ఫేక్ లెెటర్లు సోషల్ మీడియాలో ఎక్కువగా వైరల్ అవుతున్నాయి. తాజాగా ఏపీ తెలుగు మహిళా విభాగం అధ్యక్షురాలు వంగలపూడి అనితకు పార్టీ అధ్యక్షుడు అచ్చెన్నాయుడు షోకాజ్ నోటీసులు ఇచ్చారంటూ ప్రచారం జరుగుతోంది. మహిళా దినోత్సవం సందర్భంగా లోకేష్ పాదయాత్రలో ఏర్పాటు చేసిన కార్యక్రమంలో.. అనిత చేసిన వ్యాఖ్యలపై నోటీసు ఇచ్చారని ఓ ప్రెస్‌నోట్ సోషల్ మీడియాలో వైరల్ అవుతోంది.

‘ఈ రోజు యువగళం పాదయాత్ర లో మహిళ దినోత్సవం సందర్భంగా ఏర్పాటు చేసిన సభలో తెలుగు దేశం పోలిట్‌ బ్యూరో సభ్యురాలు. రాష్ట్ర తెలుగు మహిళ అధ్యక్షురాలు, పాయకరవు పేట తెలుగు దేశం పార్టీ ఇంఛార్జి శ్రీమతి వంగలపూడి అనిత గారు మహిళల సాధికారతను ఉద్దేశించి మాట్లాడుతూ, 2024లో జగన్‌ ను మళ్ళీ సీఎం చేయడానికి మహిళలందరూ ఏకమవ్వాలి అనే ధోరణిలో మాట్లాడటం తెలుగు దేశ మహిళ కార్యకర్తలు, మహిళ నాయకుల్లో ఒకింత ఆశ్చర్యానికి, కలవరానికి గురి చేసింది. సదరు వ్యాఖ్యలు తెలుగుదేశ క్రమశిక్షణ పరిమితులు దాటి ఉన్నాయి అని బావించిన పిమ్మట, అనిత గారికి షోకాజ్‌ నోటీసులు జారీచేయడం అయినది. సదరు వాక్యాల పై వచ్చే 48 గంటల లోపు తెలుగుదేశ సెంట్రల్‌ ఆఫీస్‌ కి, మరియు క్రమశిక్షణ విభాగానికి తగిన వివరణ ఇవ్వవలసిందిగా

ఈ ప్రెస్‌నోట్ ఫేక్ అంటోంది టీడీపీ.. ట్విట్టర్ వేదికగా దీనిపై క్లారిటీ ఇచ్చింది. ‘బులుగు కుక్కల నీచత్వం ఇది.టీడీపీ మహిళా నేత, తెలుగు మహిళా అధ్యక్షురాలు వంగలపూడి అనిత గారు యువగళం పాదయాత్రలో జగన్ రెడ్డికి ఫేవర్ గా మాట్లాడినట్టు, దానికి టీడీపీ రాష్ట్ర అధ్యక్షుడు షో కాజ్ నోటీసు ఇచ్చినట్టు వైసీపీ మీడియా సృష్టించిన ఫోర్జరీ లేఖ ఇది.ఏం జగన్ రెడ్డి! ఇదేనా నీ రాజకీయం?’ అంటూ ఘాటుగా స్పందించారు.

మరోవైపు తన పేరుతో వైరల్ అవుతున్న వీడియోపై అనిత స్పందించారు. ‘సునకానందం పొందుతున్న పేటీఎం గాళ్ళకు.. మీరు ఎన్ని ఫేక్ ఎడిట్లు చేసుకున్నా ఈసారి జగన్ రెడ్డిని రాష్ట్ర మహిళలు ఇంటికి పంపడం ఖాయం.. అంతర్జాతీయ మహిళా దినోత్సవం నాడు కూడా మహిళలను ఫేక్ వీడియోలతో వేధించాల్సిందే అని పిల్ల సైకో గాళ్లకు ఆర్డర్స్ వచ్చినట్లు ఉన్నాయి’అంటూ ట్వీట్ చేశారు.

రా లోకేష్ పాదయాత్రలో మహిళా దినోత్సవం సందర్భంగా మహిళలతో ముఖాముఖి నిర్వహించారు. ఈ కార్యక్రమానికి హాజరైన వంగలపూడి అనిత.. ముఖ్యమంత్రి వైఎస్ జగన్‌ను గద్దె దింపి.. చంద్రబాబును సీఎంని చేసే విషయంలో మహిళలం అంతా కీలక పాత్ర వహించబోతున్నామనే సంగతి తెలియజేస్తున్నాను అన్నారు. అయితే వైరలవుతున్న వీడియోలో వచ్చే ఎన్నికల్లో వైఎస్ జగన్‌ను సీఎంని చేసే విషయంలో ' మా మహిళలంతా కీలక పాత్ర వహించబోతున్నాం' అన్నట్లు వీడియో వైరల్ అయ్యింది.