రోడ్డు ప్రమాదాలలో ఒకరు మృతి - మరొకరికి గాయాలు
Andhra Pradesh Telugu | Suryaa Desk | Published : Sat, Mar 11, 2023, 01:14 PM
గుత్తి మండలంలోని కరిడికొండ గ్రామ సమీపంలో 44వ జాతీయ రహదారిపై శనివారం జరిగిన రోడ్డు ప్రమాదంలో అశోక్ కుమార్ యాదవ్(24)అను యువకుడు మృతి చెందగా మరో యువకుడు తీవ్రంగా గాయపడ్డాడు. పోలీసులు తెలిపిన మేరకు వివరాలు. ఇరువురు వ్యక్తులు తీవ్రంగా గాయపడ్డారు. హైదరాబాద్ లోని భవాని కాలనీకి చెందిన అశోక్ కుమార్ యాదవ్, రాజేష్ అను యువకులు హైదరా బాదు నుంచి బెంగళూరుకు ద్విచక్ర వాహనంలో బయలుదేరారు. గుత్తి మండలం కరిడికొండ గ్రామం వద్ద ముందుగా వెళుతున్న లారీని ద్విచక్ర వాహనం ఢీకొంది. ఈ ప్రమా దంలో అశోక్ కుమార్ యాదవ్, రాజేష్ ఇద్దరికి తీవ్ర గాయాలయ్యాయి. సమాచారం మేరకు ఎస్సై శ్రీనివాసులు ఘటన స్థలానికి వెళ్లి క్షతగాత్రులను చికిత్స నిమిత్తం గుత్తి ప్రభుత్వాసుపత్రికి తరలించారు. ఐతే ఆసుపత్రిలో చికిత్స పొందుతూ అశోక్ కుమార్ యాదవ్ మృతి చెందాడు. ఈ సంఘటనపై కేసు నమోదు చేసుకొని దర్యాప్తు చేస్తున్నట్లు ఎస్సై తెలిపారు.
|
|