ట్రెండింగ్
రామయ్యకు ఘనంగా సువర్ణ తులసీ అర్చన
Bhakthi | Suryaa Desk | Published : Sat, Mar 11, 2023, 01:35 PM
భద్రాచలం శ్రీసీతారామచంద్ర స్వామి వారికి శనివారం వైభవంగా సువర్ణ తులసీ అర్చన నిర్వహించారు. తెల్లవారుజామున గర్భగుడిలో సుప్రభాత సేవ, సేవాకాలం, ఆరాధన తదితర పూజలు చేశారు. అనంతరం మేళతాళాల నడుమ స్వామి వారిని గర్భగుడి నుంచి తీసుకొచ్చి బేడా మండపంలో కొలువుదీర్చారు అక్కడ విశ్వక్సేనపూజ, పుణ్యావాచనం అనంతరం స్వామివారికి కంకణధారణ, యజ్ఞోపవీతధారణ, అమ్మవారికి కంకణధారణ, యోక్త్రధారణ గావించి నిత్యకల్యాణోత్సవాన్ని శాస్త్రోక్తంగా జరిపించారు. కాగా రెండవ శనివారం సెలవు రోజు కావడంతో భక్తులు పెద్ద ఎత్తున ఆర్జిత సేవలలో పాల్గొన్నారు. స్వామి వారిని దర్శించుకుని తీర్థ ప్రసాదాలు స్వీకరించారు.
|
|