అన్నా చెల్లెలు నేషనల్ టైక్వాండో పోటీలకు ఎంపిక
Andhra Pradesh Telugu | Suryaa Desk | Published : Mon, Mar 13, 2023, 12:58 PM
జాతీయస్థాయి టైక్వాండో పోటీలకు ఎంపిక ఈనెల 10, 11, 12 తేదీల్లో జరిగిన రాష్ట్రస్థాయి టైక్వాండో పోటీల్లో శ్రీ ఇషిత నానబోయిన జూనియర్ విభాగంలో శ్రీ వ్రీషాగ్ నానబోయిన క్యాడెట్ విభాగంలో స్వర్ణ పథకాలు సాధించారు. వీరు ఇరువురు ఈ నెల 28 నుంచి 31 వరకు రాజస్థాన్ కోట లో జరిగే జాతీయ టైక్వాండో పోటీలకు రాష్ట్రం తరఫున జాతీయ పోటీలకు హాజరుకానున్నారు. ఈ ఇద్దరు చిన్నారులు మన రాష్ట్రం నుంచి అర్హత సాధించారు. చిన్నారి శ్రీ ఇషిత ప్రపంచ రికార్డ్ సాధించినందుకు ఆంధ్రప్రదేశ్ టైక్వాండో అసోసియేషన్ వారు ఘనంగా సన్మానించారు. ఈ చిన్నారి పట్ల వివిధ జిల్లాలకు కోచ్ లు సెక్రటరీలు మేనేజర్స్ తల్లిదండ్రులు అభినందించారు. ఈ కార్యక్రమంలో రాష్ట్ర తైక్వాండో ప్రధాన కార్యదర్శి పి అచ్యుత రెడ్డి, అనకాపల్లి జిల్లా డిఎస్పి శ్రీనివాస్, రాష్ట్ర యాక్టింగ్ కార్యదర్శి వేణుగోపాల్, విశాఖ జిల్లా టైక్వాండో ప్రధాన కార్యదర్శి అచ్చం నాయుడు,ఆర్గనైజింగ్ సెక్రటరీ శ్రీ నాగిరెడ్డి సత్యనారాయణ, కోచ్ యశోద రావు, రాష్ట్రంలోని అన్ని జిల్లాల ప్రధాన కార్యదర్శులు, మేనేజర్లు, తల్లిదండ్రులు పాల్గొన్నారు.
|
|