ఉద్యోగం కోల్పోయిన బాధను వ్యక్తి చేసిన ప్రవాస భారతీయురాలు

ఫేస్‌బుక్ మాతృ సంస్థ మోటా సీఈఓ మార్క్ జుకర్‌బర్గ్ మరోసారి ఉద్యోగాల కోతలను మంగళవారం ప్రకటించారు. సుమారు 10 వేల మందిపై ఈ ప్రభావం ఉంటుందని తెలిపారు. గత ఏడాది 2022, డిసెంబర్‌లోనే దాదాపు 11 వేల మందిని తొలగించింది మెటా  అప్పుడు ఉద్యోగం కోల్పోయిన మాజీ ఉద్యోగులు ఇప్పటికీ కొత్త జాబ్ వెతుక్కునేందుకు ఇబ్బందులు పడుతున్నారు. అందులో ఒకరే సుశ్మిత సాహూ. ఆమె సింగపూర్‌లో ఉంటున్న భారత సంతతి వ్యక్తి. ఫేస్‌బుక్‌లో హెచ్ఆర్ విభాగంలో పని చేశారు. గత ఏడాది ప్రకటించిన తొలి రౌండ్ లేఆఫ్స్‌లో ఉద్యోగం కోల్పోయారు సుశ్మిత సాహూ  మరోసారి ఉద్యోగాల కోత ప్రకటన వెలువడిన క్రమంలో తనకు ఎదురైన అనుభవాన్ని లింక్డ్‌ఇన్‌లో పంచుకున్నారు.

'ఒక్కసారి మన చుట్టు జరుగుతున్న విషయాలపై స్పందించకుండా కంట్రోల్ చేసుకోవడం చాలా కష్టం. మాలోని చాలా మందికి ఈరోజు అలాంటిదే. అయితే, మమ్మల్ని మేము కంట్రోల్ చేసుకుని ఎలా స్పందించాలో తెలుసు. ఏం జరిగినా నేను ఇప్పటికీ వెతుకుతూనే ఉన్నాను. చాలా నష్టపోతున్నాను. అక్కడి నుంచి నుంచి బయటకు వచ్చేస్తున్న అద్భుతమైన వారితో కలిసి పని చేయడం చాలా సంతోషంగా ఉంది. మెటా లేఆఫ్స్‌లో ఉద్యోగం కోల్పోయిన దురదృష్ట వంతుల్లో నేనూ ఒకదాన్ని. నా కోసం ఎవరైనా ఉద్యోగం కల్పిస్తే వారికి ఎప్పటికీ రుణ పడి ఉంటాను. నేను వదిలి పెట్టను.' అంటూ లింక్డ్‌ఇన్‌లో రాసుకొచ్చారు సుశ్మిత సాహూ.

కంపెనీలో ఆరు నెలల్లోనే ఉద్యోగం కోల్పోయారు సుశ్మిత సాహూ. లింక్డ్‌ఇన్‌లో ఫాలోఅప్ పోస్ట్ చేస్తూ టెక్ దిగ్గజంతో కలిసి పని చేసేందుకు అవకాశం రావడంపై సంతోషం వ్యక్తం చేశారు. ' అన్నింటిని దిగమింగుకుని చివరకు సెపరేషన్ అగ్రిమెంట్‌పై సంతకాలు చేశాం. సింగపూర్‌లో సాయంత్రం 4 గంటలకు ఇది జరిగింది. గుడ్‌బై చెప్పేందుకు నాకు ధైర్యం లభించడం ఎంతో అదృష్టంగా భావిస్తున్నా. మెటాలో పని చేసిన సమయాన్ని ఎంతో ఆస్వాదించాను. ' అంటూ మెటా బ్యాడ్జ్ షేర్ చేస్తూ ఈ పోస్ట్ చేశారు.

మెటా మంగళవారం పెద్ద ఎత్తున ఉద్యోగాల కోతలు ప్రకటించింది. రెండో రౌండ్ లోనూ భారీ ఎత్తన ఉద్యోగాల తొలగింపులు చేపట్టిన తొలి సంస్థగా నిలిచింది. ఉద్యోగం కోల్పోయిన సిబ్బందికి మెటా సీఈఓ మార్క్ జుకర్‌బర్గ్ లేఖ రాశారు. తమ నియామక టీమ్‌ను కంపెనీ తగ్గించుకోవాలని చూస్తోందని చెప్పారు. అది సాహూ వంటి చాలా మంది ఉద్యోగులపై ప్రభావం చూపింది. ఉద్యోగం ఉందా పోయిందా అనే విషయాన్ని హెచ్‌ఆర్ టీమ్ లోని సభ్యులకు బుధవారం తెలియజేస్తాం అంటూ రాసుకొచ్చారు.