ట్రెండింగ్
నూజివీడు సీసీఎస్ పోలీస్ స్టేషన్ కు అవమానం
Andhra Pradesh Telugu | Suryaa Desk | Published : Sat, Apr 01, 2023, 01:41 PM
నూజివీడు సీసీఎస్ పోలీస్ స్టేషన్ నుంచి నిందితుడు పరారైన సంఘటన ఆలస్యంగా వెలుగుచూసింది. నూజివీడు, చాట్రాయి మండలాల్లోని పలు ఆలయాల్లో జరిగిన వరుస దొంగతనాల్లో నిందితుడిగా అనుమానిస్తున్న వ్యక్తిని నూజివీడు సీసీఎస్ పోలీసులు అదుపులోకి తీసుకున్నారు. అతడ్ని విచారిస్తున్న సమయంలో గురువారం రాత్రి నిందితుడికి భోజన సదుపాయం కల్పించగా భోజనం చేసిన అనంతరం రాత్రి 10 గంటల సమయంలో నిందితుడు పటాన్ సలార్ ఖాన్ చేతులు కడుక్కునేందుకు అంటూ బయటకు వెళ్ళి అక్కడే ఉన్న హోమ్గార్డు మోటారు సైకిల్ ఏపీ16సీఎస్ 8934 వేసుకుని పరారయ్యాడు. ఎంతసేపటికి నిందితుడు లోనికి రాకపోవడంతో గమనించిన నూజివీడు సీసీఎస్ పోలీసులు గాలింపు చర్యలు చేపట్టారు. అయితే నిందితుడి వివరాలు గోప్యంగా ఉన్నాయి.
|
|