పోరుబాట కార్యక్రమాన్ని విజయవంతం చేయండి
Andhra Pradesh Telugu | Suryaa Desk | Published : Tue, Apr 04, 2023, 02:43 PM
సీపీఐ పోరుబాట కార్యక్రమాన్ని విజయవంతం చేయాలని సీపీఐ నియోజకవర్గ కార్యదర్శి దేవండ్ల శ్రీనివాసులు పిలుపునిచ్చారు.
మంగళవారం ఎర్రగొండపాలెంలోని సీపీఐ కార్యాలయంలో విలేకరుల సమావేశంలో ఆయన మాట్లాడుతూ మోడీ ప్రజా వ్యతిరేక విధానాలను నిరసిస్తూ ప్రజలను చైతన్యం చేయడానికి సీపీఐ జాతీయ సమితి ఇచ్చిన పిలుపులో భాగంగా అంబేద్కర్ జయంతి సందర్భంగా ఏప్రిల్ 14 నుండి సీపీఐ పోరుబాట కార్యక్రమం నిర్వహించడం జరుగుతుందన్నారు. ఈ కార్యక్రమాన్ని జయప్రదం చేయడానికి ఈనెల 7వ తేదీన ఎర్రగొండపాలెం నియోజకవర్గ కౌన్సిల్ సమావేశం నిర్వహించబడుతుందన్నారు.
ఈ కార్యక్రమానికి సీపీఐ జిల్లా కార్యదర్శి ఎంఎల్ నారాయణ హాజరవుతారన్నారు. ఈ సమావేశానికి సీపీఐ నియోజకవర్గ సభ్యులు అందరూ తప్పనిసరిగా హాజరై విజయవంతం చేయాలన్నారు. సీపీఐ సీనియర్ నాయకులు టిసిహెచ్ చెన్నయ్య, సీపీఐ జిల్లా కార్యవర్గ సభ్యులు కెవి కృష్ణ గౌడ్, సీపీఐ త్రిపురాంతకం మండల కార్యదర్శి బాణాల రామయ్య, సీపీఐ నాయకులు నక్కా తిరుపతయ్య, వై వెంకట శివయ్య, వెంకటేశ్వర్లు, తదితరులు పాల్గొన్నారు.
|
|