జగ్జీవన్ రామ్ కి భారతరత్న పై ప్రభుత్వానికి విన్నవిస్తా: ఎమ్మెల్యే ఆర్కే
Andhra Pradesh Telugu | Suryaa Desk | Published : Wed, Apr 05, 2023, 03:13 PM
బాబు జగ్జీవన్ రామ్ జయంతిని పురస్కరించునికి మంగళగిరి నగరంలోని కొత్త బస్టాండ్ వద్ద ఉన్న డాక్టర్ బాబు జగ్జీవన్ రామ్ విగ్రహానికి బుధవారం ఎమ్మెల్యే ఆర్కే పూలమాలలు వేసి ఘనంగా నివాళులు అర్పించారు. ఈ సందర్భంగా ఎమ్మెల్యే ఆర్కే మాట్లాడుతూ అట్టడుగు వర్గాల నుంచి వచ్చి భారతదేశ రాజకీయాల్లో తనదైన ముద్రను వేసుకున్న గొప్ప నాయకుడు బాబు జగ్జీవన్ రామ్ అని అన్నారు.
అనేక కష్టాలు అనుభవిస్తున్న తన జాతి కోసం పార్లమెంట్లో బలంగా తన బాణీని వినిపించిన గొప్ప పార్లమెంటేరియన్ అని కొనియాడారు. ప్రతి ఒక్కరూ ఆయన ఆశయాలను తూచా తప్పకుండా పాటించడం ద్వారా జాతి అభ్యున్నతి చెందుతుందని అన్నారు. ఆ సంఘసంస్కర్త చూపిన బాటలో ప్రతి ఒక్కరూ పయనించాలని కోరారు. బాబు జగ్జీవన్ రామ్ కి భారతరత్న బిరుదు అంశంపై తన సోదరుడు రాజ్యసభ సభ్యులు ఆళ్ల అయోధ్య రామిరెడ్డి తో పాటు తాను కూడా రాష్ట్ర ప్రభుత్వానికి విన్నవిస్తానని అన్నారు.
|
|