ట్రెండింగ్
మన ఇంటి వద్దే ఉచిత వైద్యం
Andhra Pradesh Telugu | Suryaa Desk | Published : Thu, Apr 06, 2023, 03:48 PM
నంద్యాల మండలం పోలూరు గ్రామంలో గురువారం ఫ్యామిలీ డాక్టర్ నూతన విధానాన్ని నంద్యాల జిల్లా డిఎంహెచ్ఓ డాక్టర్ వెంకటరమణ ప్రారంభించారు. ఈ కార్యక్రమంలో డిఎంహెచ్వో డాక్టర్ వెంకటరమణ మాట్లాడుతూ.. 104 వాహనం ద్వారా డాక్టర్ గారు గ్రామానికి రెండుసార్లు సందర్శించి వైద్య సేవలు అందిస్తారని తెలియజేశారు. ప్రతి విలేజ్ హెల్త్ క్లినిక్ లో సిహెచ్ఓ మరియు సచివాలయం ఏఎన్ఎం మరియు ఆశ వర్కర్ ఉంటారని తెలియజేశారు. విలేజ్ హెల్త్ క్లినిక్ లో 14 రకాల టెస్టులు, 105 రకాల మందులు అందుబాటులో ఉంటాయని చెప్పారు. ఫ్యామిలీ డాక్టర్ విధానం ద్వారా గ్రామంలో ప్రతి ఒక్కరికి మెరుగైన వైద్య సేవలు అందుతాయని తెలియజేశారు. ఈ కార్యక్రమంలో ప్రభావతి మేడం, బాలాజీ, చంద్రశేఖర్, సునీత, చాపురేవుల పిహెచ్సి డాక్టర్ శహలం, డాక్టర్ సంధ్యా, వైద్య సిబ్బంది పాల్గొన్నారు.
|
|