ఘనంగా ప్రభు శ్రమల వేడుక.,,,కానూరు లోని కార్మెల్ మాత పుణ్యక్షేత్రం నందు గుడ్ ఫ్రైడే వేడుకలు
Andhra Pradesh Telugu | Suryaa Desk | Published : Fri, Apr 07, 2023, 05:36 PM
క్రైస్తవ సోదరుల పవిత్ర రోజైన గుడ్ ఫ్రైడే వేడుకలు కానూరు లోని కార్మెల్ మాత పుణ్యక్షేత్రం నందు ఫాదర్ యం.బాలస్వామి ఆధ్వర్యంలో ఘనంగా జరిగాయి. గుడ్ ఫ్రైడే క్రైస్తవులకు ముఖ్యమైన రోజు. తపస్సు కాలం నలభై రోజులు ఉపవాస ప్రార్ధనలు జరిగాయి.ఈ రోజు పరిశుద్ధ శుక్రవారం ఏసుప్రభువు మరణించిన రోజు. ఏసుప్రభువు పడిన పద్నాలుగు స్థలముల ద్యానాంశాలను జ్ఞాపకం చేసుకుంటూ ఆరాధనలతో పోరంకి నుండి కానూరు కార్మెల్ మాత పుణ్యక్షేత్రం వరకు వేషాదరణలతో అందరిని ఆకట్టుకునేవిదంగా భక్తి శ్రద్ధలతో జరిగింది. ఈ కార్యక్రమంలో రెండు వేలమంది పైగా వివిధ గ్రామాలనుండి పాల్గొన్నారు. కన్యస్రీలు, ఉపదేశకులు, దీక్షపరులు, పోరంకి, గంగూరు, సాలిపేట, కామయ్యతోపు, కానూరు గ్రామాల నుండి అధికసంఖ్యలో పాల్గొన్నారు. కామయ్యతోపు పురవీదులలో ఏసుప్రభువు మృతదేహాని భక్తి గీతాలలో ప్రదర్శన నిర్వహించారు. ఫాదర్ బాలస్వామి దివ్యబలిపూజ నిర్వహించారు, దివ్యసప్రసాదాన్ని ఫాదర్ రాయ్యప్ప, ఫాదర్ పృద్వి భక్తులకు అందించారు. అందరికి మంచినీరు, మజ్జిగలను ఏర్పాటుచేశారు. భక్తులందరికి మండ్రు అబ్రహాం కుటుంబ సభ్యులు ప్రేమ విందును ఏర్పాటు చేశారని ఫాదర్.యం.బాలస్వామి తెలిపారు.
|
|