ట్రెండింగ్
యాదాద్రిలో నిత్య పూజల కోలాహలం
Bhakthi | Suryaa Desk | Published : Sat, Apr 08, 2023, 11:15 AM
యాదాద్రి శ్రీ లక్ష్మీ నరసింహస్వామి దేవస్థానంలో శనివారం నిత్య పూజలతో పాటు సంపద్రాయ పర్వాలు నిర్వహించారు. గర్భాలయంలో స్వయంభువులకు ఆస్థానపరంగా పూజించి అమ్మవారికి ప్రత్యేక అలంకరణలతో తీర్చిదిద్ది ఊంజల్ సేవోత్సవాన్ని చేపట్టారు. ముత్యాల పల్లకీపై అలంకృతమైన అమ్మవారిని ఆరాధిస్తూ పూజారులు హారతి నివేదించారు. ఆస్థాన విద్వాంసులు సన్నాయి, డోలు, మేళతాళాలతో సంకీర్తనలు పలికించి అమ్మవారికి నివేదన సమర్పించారు. నూతనంగా చేపట్టిన అద్దాల మండపంలో అమ్మవారికి ఊంజల్ సేవా మహోత్సవం నిర్వహించారు. ఈ కార్యక్రమంలో ఆలయ అధికారులు, భక్తులు అధిక సంఖ్యలో పాల్గొన్నారు.
|
|