హరీష్‌ రావు.. ముందు మీ రాష్ట్రం సంగతి చూసుకో
Andhra Pradesh Telugu | Suryaa Desk | Published : Thu, Apr 13, 2023, 01:26 PM
తెలంగాణ మంత్రి హరీష్‌ రావు ఒక సందర్భంలో ఆంధ్రప్రదేశ్ రాజకీయాల గురించి మాట్లాడుతూ.....ఏపీ లో అభివృద్ధి కుంటుపడింది అనే భావన వ్యక్తపరిచారు. దీనికీ బదులుగా ఏపీకి రా మా రాష్ట్రంలో ఏం జరుగుతుందో చూపిస్తామ‌ని మంత్రి కారుమూరి నాగేశ్వ‌ర‌రావు స‌వాలు విసిరారు. హరీష్‌ రావు.. దౌర్భగ్యమైన మాటలు మాట్లాడకు అంటూ చురకలు అంటించారు. ధనిక రాష్ట్రాన్ని(తెలంగాణ) మీ చేతిలో పెడితే ఏం చేశారో తెలియదా? అంటూ వ్యాఖ్యలు చేశారు. అసెంబ్లీ మీడియా పాయింట్ వ‌ద్ద మంత్రి కారుమూరి నాగేశ్వ‌ర‌రావు మాట్లాడుతూ.. హైదరాబాద్‌లో వర్షం వస్తే ఇళ్ల మీద నుంచి నీళ్లు వెళ్తున్నాయి. హరీష్‌.. మీ రాష్ట్రంలో స్కూళ్లు, మా రాష్ట్రంలో స్కూళ్ల తేడా చూసుకో. తెలంగానలో సంక్షేమ పథకాలు.. మా సంక్షేమ పథకాలకు తేడా చూడు. జీడీపీలో మేం దేశంలోనే నంబర్‌ వన్‌లో ఉన్నాం. హరీష్‌ రావు.. ముందు మీ రాష్ట్రం సంగతి చూసుకో. ధనిక రాష్ట్రాన్ని మీ చేతిలో పెడితే ఏం చేశారో తెలియదా? అంటూ విమర్శలు చేశారు. ఏపీలో జరుగుతున్న అభివృద్ధి గురించి తెలుసుకొని మాట్లాడాలి అని హితవు పలికారు.
|
|